ഇടുക്കി : കെപിസിസി പ്രസിഡന്റ് കെ.സുധാകരനെതിരെ പ്രകോപന പ്രസംഗവുമായി സിപിഎം ഇടുക്കി ജില്ലാ സെക്രട്ടറി സി.വി വര്ഗീസ്. കെ.സുധാകരന്റെ ജീവിതം സിപിഎമ്മിന്റെ ഭിക്ഷയാണ്. ഒരു നികൃഷ്ട ജീവിയെ കൊല്ലാന് സിപിഎമ്മിന് താത്പര്യമില്ലാത്തതുകൊണ്ടാണെന്നും വര്ഗീസ് പറഞ്ഞു. ഇന്നലെ വൈകുന്നേരം ചെറുതോണിയില് നടന്ന പാര്ട്ടി പൊതുയോഗത്തിലായിരുന്നു വിവാദ പ്രസംഗം. സിപിഎമ്മിന്റെ ശക്തി എന്തെന്ന് സുധാകരന് അറിയാവുന്നതാണെന്നും വര്ഗീസ് പറഞ്ഞു.എം എം മണിയടക്കമുള്ള മുതിര്ന്ന സിപിഎം നേതാക്കളെ സാക്ഷനിര്ത്തിയായിരുന്നു വര്ഗീസിന്റെ പ്രസംഗം.
കഴിഞ്ഞ ദിവസം ഏതാനും പേര് കോണ്ഗ്രസുവിട്ട് സിപിഎമ്മില് ചേരുകയും ജില്ലയില് ചില തദ്ദേശ സ്ഥാപനങ്ങളുടെ ഭരണം സിപിഎം പിടിക്കുകയും ചെയ്തിരുന്നു. ഈ വിഷയവുമായി ബന്ധപ്പെട്ട് കെ.സുധാകരന്റെ നേതൃത്വത്തില് ദിവസങ്ങള്ക്ക് മുന്പ് ഒരു പൊതുയോഗം നടത്തിയിരുന്നു. ഇതില് സിപിഎമ്മിനെ രൂക്ഷമായി സുധാകരന് വിമര്ശിച്ചിരുന്നു. ഇതിന് ഒരു മറുപടിയായിട്ടായിരുന്നു സിപിഎം പൊതുയോഗം.
