ബാലരാമപുരം: സ്വന്തം ട്യൂഷന് സെന്ററില് ചേരാത്തതിന് ഒമ്പതാം ക്ലാസ് വിദ്യാര്ത്ഥിയെ സിപിഎം ലോക്കല് കമ്മിറ്റി സെക്രട്ടറി മര്ദ്ദിച്ചതായി പരാതി. സിപിഎം വെങ്ങാനുര് ലോക്കല് കമ്മിറ്റി സെക്രട്ടറി എ. രാജയ്യനെതിരെയാണ് ബാലരാമപുരംപോലീസില് പരാതി നല്കിയത്. വെങ്ങാനൂര് ചാവടിനട സ്വദേശിയായ കുട്ടിയെയാണ് പാരലല് കോളജ് ഉടമ കൂടിയായ ഇയാള് മര്ദ്ദിച്ചത്. ട്യൂഷന് സെന്ററിനു സമീപത്തു വെച്ചായിരുന്നു സംഭവം. എന്തുകൊണ്ട് തന്റെ സ്ഥാപനത്തില് ചേര്ന്നില്ല എന്ന് ചോദിച്ച് തലയ്ക്കും മുഖത്തും അടിച്ചു എന്നാണ് പരാതിയില് പറയുന്നത്. പരാതിയുടെ അടിസ്ഥാനത്തില് അറസ്റ്റ് ചെയ്ത ഇയാളെ പിന്നീട് ജാമ്യത്തില് വിട്ടയച്ചു.
