തിരുവനന്തപുരം:സംസ്ഥാനത്ത് നാലിടത്ത് ലഭിച്ച ഗ്രാമപഞ്ചായത്ത് ഭരണം എല്‍ ഡി എഫ് വേണ്ടന്നുവെച്ചു. തൃശൂരിലെ അവിണിശേരി, തിരുവനന്തപുരം പാങ്ങോട്, പത്തനംതിട്ട കോട്ടാങ്ങല്‍. അലപ്പുഴ തിരുവന്‍വണ്ടൂര്‍ പഞ്ചായത്ത് പ്രസിഡന്റുമാരായി തിരഞ്ഞെടുക്കപ്പെട്ട സി പി എം അംഗങ്ങളാണ് രാജിവെച്ചത്. കോണ്‍ഗ്രസ്, എസ് ഡി പി ഐ പിന്തുണയോടെ തിരഞ്ഞെടുക്കപ്പെട്ടതിനെ തുടര്‍ന്നാണ് രാജി.
അവിണിശേരിയിലും തിരുവന്‍വണ്ടൂരിലും യു ഡി എഫ് അംഗങ്ങളും പാങ്ങാട്, കോട്ടാങ്ങല്‍ എന്നിവിടങ്ങളില്‍ എസ് ഡി പി ഐ അംഗങ്ങളും ഇടതിന് വോട്ട് ചെയ്യുകയായിരുന്നു. ഒരു മുന്നണിക്കും വ്യക്തമായ ഭൂരിഭക്ഷം ലഭിക്കാത്ത പഞ്ചായത്തുകളിലായിരുന്നു ഇത്.
