കാസര്കോട് : സമ്മേളന ബോര്ഡില് എസ്.ടി.യു പ്രവര്ത്തകരുടെ ചിത്രം മോര്ഫ് ചെയ്ത് സിഐടിയു ക്കാരാക്കിയതായി പരാതി. സിപിഎം ബോര്ഡില് തങ്ങളുടെ പ്രവര്ത്തകരുടെ ചിത്രം മോര്ഫ് ചെയ്ത് ചേര്ത്തതായി എസ്.ടി.യു. കാസര്കോട് ജില്ലാ സമ്മേളനത്തിലേക്ക് പ്രതിനിധികളെ സ്വാഗതം ചെയ്യുന്ന ബോര്ഡുമായി ബന്ധപ്പെട്ടാണ് ആരോപണം. ബോര്ഡിലെ ചുമടെടുക്കുന്ന തൊഴിലാളികള് കാസര്കോട് നഗരത്തിലെ എസ്.ടി.യു അംഗങ്ങളാണെന്ന് എസ്.ടി.യു നേതാക്കള് പറഞ്ഞു. തൊഴിലാളികളുടെ യഥാര്ഥ ഫോട്ടോയിലെ നീല നിറത്തിലുള്ള തലപ്പാവിന് ചുവപ്പ് കളര് നല്കി മോര്ഫ് ചെയ്താണ് ബോര്ഡില് ചേര്ത്തിരിക്കുതെന്നും എസ്.ടി.യു ആരോപിച്ചു.
കാസര്കോട് നഗരത്തിലെ എ പൂള് ലീഡര് എന്.എ മുഹമ്മദ്, പി.എ മുഹമ്മദ് കുഞ്ഞി, യൂസുഫ്, അടുത്തിടെ വിരമിച്ച പി.ഹസൈനാര് എന്ന അച്ചു തുടങ്ങിയവരുടെ ഫോട്ടോയാണ് മോര്ഫ് ചെയ്ത് സി.പി.എം സമ്മേളനത്തില് ഉപയോഗിച്ചിട്ടുള്ളതെന്നും എസ്.ടി.യു നേതാക്കള് പറഞ്ഞു. തങ്ങളുടെ ഫോട്ടോ മോര്ഫ് ചെയ്ത് സിപിഎം സമ്മേളനത്തിന്റെ ഭാഗമായി പ്രദര്ശിപ്പിച്ചതിനെതിരെ പരാതി നല്കുമെന്നും എസ്.ടി.യു പ്രവര്ത്തകരായ ചുമട്ട് തൊഴിലാളികള് പറഞ്ഞു.
