തിരുവനന്തപുരം : സിപിഎം തിരുവനന്തപുരം ജില്ലാ കമ്മിറ്റിയില് വന് അഴിച്ചുപണി. ശിശുക്ഷേമ സമിതി അദ്ധ്യക്ഷന് ഷിജുഖാനെ കമ്മറ്റിയില് ഉള്പ്പെടുത്തിയപ്പോള് മുന് എംപിയും മന്ത്രി കെ.രാധാകൃഷ്ണന്റെ പ്രൈവറ്റ് സെക്രട്ടറിയുമായ എ.സമ്പത്തിനെ ജില്ലാ കമ്മറ്റിയില് നിന്ന് ഒഴിവാക്കി. ദത്ത് വിവാദത്തില് ആരോപണ വിധേയനായ ആളാണ് ശിശുക്ഷേമ സമിതി ജനറല് സെക്രട്ടറി ഷിജു ഖാന്. സമ്പത്ത് പാര്ട്ടി പ്രവര്ത്തനങ്ങളില് ശ്രദ്ധ കൊടുക്കുന്നില്ല എന്ന വിമര്ശനം ജില്ലാ സമ്മേളനത്തില് ഉയര്ന്നിരുന്നു.
46 അംഗങ്ങളുള്ള ജില്ലാകമ്മിറ്റിയില് ഒന്പത് പേര് പുതുമുഖങ്ങളാണ്. എസ്എഫ്ഐ പ്രസിഡന്റ് വി.എ വിനീഷ്, ഡിവൈഎഫ്ഐ നേതാവ് കെ.പി പ്രമോഷ്, എസ്.പി ദീപക് എന്നിവരും ജില്ലാ കമ്മറ്റിയിലെത്തി. അതേ സമയം എംഎല്എ വി.കെ പ്രശാന്തിനെയും തിരുവനന്തപുരം മേയര് ആര്യാ രാജേന്ദ്രനെയും ജില്ലാ കമ്മിറ്റിയില് ഉള്പ്പെടുത്തിയിട്ടില്ല. ശിശുക്ഷേമ സമിതി മുന് ജനറല് സെക്രട്ടറിയാണ് എസ്.പി ദീപക് പട്ടിണി കാരണം കൈതമുക്കിലെ കുട്ടികള് മണ്ണുവാരി തിന്നെന്ന പരാമര്ശത്തെ തുടര്ന്ന് അന്ന് വഞ്ചിയൂര് ഏരിയ കമ്മിറ്റിയംഗമായിരുന്ന ദീപക്കിനെ പേട്ട ലോക്കല് കമ്മിറ്റിയിലേക്ക് തരം താഴ്ത്തിയിരുന്നു.
