മലപ്പുറം: മലപ്പുറത്ത് സിപിഎം പ്രവര്ത്തകനെ തൂങ്ങി മരിച്ച നിലയില് കണ്ടെത്തി. ആലംകോട് എ കെ ജി സാംസ്കാരിക കേന്ദ്രത്തില് ബാങ്ക് ജീവനക്കാരനായ പുലാകൂട്ടത്തില് കൃഷ്ണകുമാര്(47)ആണ് മരിച്ചത്. രാവിലെ വീട്ടില് നിന്ന് ഇറങ്ങിയ കൃഷ്ണകുമാറിനെ ഏറെ നേരം കഴിഞ്ഞ് കാണാതെ വന്നതോടെ സുഹൃത്തുക്കള് വീടിന് സമീപത്ത് പ്രവര്ത്തിക്കുന്ന സാംസ്കാരിക കേന്ദ്രത്തില് തിരഞ്ഞ് വന്നപ്പോഴാണ് തൂങ്ങി മരിച്ച നിലയില് കണ്ടെത്തിയത്.
സാമ്പത്തിക ബാധ്യതയെ തുടര്ന്ന് കൃഷ്ണകുമാര് ജീവനൊടുക്കിയതെന്നാണ് സംശയം. കൃഷ്ണകുമാറും കുടുംബവും കടുത്ത സാമ്പത്തിക ബാധ്യത അനുഭവിച്ചിരുന്നതായാണ് ലഭിക്കുന്ന വിവരം. ചങ്ങരംകുളം കാര്ഷിക വികസന ബാങ്ക് താത്കാലിക ജീവനക്കാരനാണ് മരിച്ച കൃഷ്ണകുമാര്. സിപിഎം ബ്രാഞ്ച് കമ്മിറ്റി അംഗവും സജീവ പാര്ട്ടി പ്രവര്ത്തകനുമാണ്. ചങ്ങരംകുളം പോലീസ് എത്തി ഇന്ക്വസ്റ്റ് നടപടികള് പൂര്ത്തിയാക്കി. മൃതദേഹം പോസ്റ്റുമോര്ട്ടത്തിനായി മാറ്റി. സംഭവത്തില് പോലീസ് കേസെടുത്ത് അന്വേഷണം ആരംഭിച്ചു.
