തണ്ണിത്തോട് : കരിമാന്തോട്ടില് കോണ്ഗ്രസ് ജില്ലാ പഞ്ചായത്ത് അംഗത്തിനെ സി.പി.എം പ്രവര്ത്തകര് കയ്യേറ്റം ചെയ്തുവെന്ന് പരാതി. കോന്നി യു.ഡി.എഫ് സ്ഥാനാര്ഥി സതീഷ് കൊച്ചുപറമ്പിലിന്റെ പ്രചാരണാര്ഥം കരിമാന്തോട്ടില് എം.വി അമ്പിളി പ്രസംഗിച്ചുകൊണ്ടിരിക്കുമ്പോള് സി.പി.എം പ്രവര്ത്തകര് സ്ഥലത്തെത്തി മൈക്ക് തട്ടിപ്പറിക്കുകയും ഇവരെ പിടിച്ചു തള്ളുകയുമായിരുന്നു. വൈകിട്ട് 6 മണിയോടെ ആണ് സംഭവം നടന്നത്. സംഭവത്തില് കൈക്ക് പരിക്കേറ്റ ജില്ലാ പഞ്ചായത്ത് അംഗത്തെ കോന്നി താലൂക്ക് ആശുപത്രിയില് പ്രവേശിപ്പിച്ചു.
സംഭവത്തില് പ്രതിഷേധിച്ച് യു.ഡി.എഫ് പ്രവര്ത്തകര് ഇന്ന് തണ്ണിത്തോട് പോലീസ് സ്റ്റേഷനിലേക്ക് മാര്ച്ച് സംഘടിപ്പിക്കും. പ്രതിയെ ഉടന് അറസ്റ്റ് ചെയ്യണം എന്നാവശ്യപ്പെട്ടാണ് യു.ഡി.എഫ് പ്രതിഷേധ മാര്ച്ച് സംഘടിപ്പിക്കുന്നത്. തിരഞ്ഞടുപ്പില് പരാജയ ഭീതി പൂണ്ടാണ് ഇത്തരത്തില് എല്.ഡി.എഫ് ആക്രമം അഴിച്ചുവിടുന്നതെന്ന് യു.ഡി.എഫ് നേതാക്കള് പറഞ്ഞു.
