പത്തനംതിട്ട : തകര്ന്ന് കിടന്നിരുന്ന പഴയ ബസ് സ്റ്റാന്റ് – തൈക്കാവ് സ്കൂൾ റോഡ് പത്തനംതിട്ട നഗരസഭയും വ്യാപാരി വ്യവസായി ഏകോപന സമതിയും ചേര്ന്ന് സഞ്ചാരയോഗ്യമാക്കി. ഓണത്തിരക്കില് നിരവധി ആളുകള് കടന്നുപോകുന്ന റോഡ് സഞ്ചാര യോഗ്യമാക്കണമെന്ന് കേരള വ്യാപാരി വ്യവസായി ഏകോപന സമിതി യൂണിറ്റ് കമ്മിറ്റി നഗരസഭ ചെയർപേഴ്സൺ സിന്ധു അനിലിനോടും വാർഡ് കൗൺസിൽ ഫാത്തിമയോടും ആവശ്യപ്പെട്ടിരുന്നു. ഇതിനെ തുടര്ന്ന് നഗരസഭയും കേരള വ്യാപാരി വ്യവസായി ഏകോപന സമിതിയും ചേര്ന്ന് പാറ വേസ്റ്റ് നിരത്തി ജെ.സി.ബി ഉപയോഗിച്ച് കുഴികൾ അടച്ച് റോഡ് സഞ്ചാരയോഗ്യമാക്കുകയായിരുന്നു.
പത്തനംതിട്ട നഗരസഭ ചെയർപേഴ്സൺ സിന്ധു അനിൽ, വൈസ് ചെയർമാൻ സഗീർ, വാർഡ് കൗൺസിലർ ഫാത്തിമ, വ്യാപാരി വ്യവസായി ഏകോപന സമിതി യൂണിറ്റ് പ്രസിഡന്റ് അബു നവാസ് എം., ജനറൽ സെക്രട്ടറി കെ.സി.വർഗീസ്, ട്രഷറർ ഉല്ലാസ് പി., ഭാരവാഹികളായ അയ്യപ്പൻ ആർ., സുനിൽ വർഗീസ്, ജോർജ് വർഗീസ് അജന്ത, ഷാജഹാൻ എച്ച്. എന്നിവർ പ്രവര്ത്തനങ്ങള്ക്ക് നേതൃത്വം നൽകി.
