പാലക്കാട് : സ്വര്ണക്കടത്ത് കേസിലെ മുഖ്യ പ്രതിയായ സ്വപ്ന സുരേഷിന്റെ എച്ച്ആര്ഡിഎസിലെ മുന് ഡ്രൈവറുടെയും ഫ്ളാറ്റിലെ സഹായിയുടെയും മൊഴി രേഖപ്പെടുത്തി. സ്വപ്നയുടെ വെളിപ്പെടുത്തലുമായി ബന്ധപ്പെട്ടു കെ.ടി. ജലീല് എംഎല്എ നല്കിയ ഗൂഢാലോചനക്കേസിലാണ് ക്രൈംബ്രാഞ്ച് പ്രത്യേക അന്വേഷണസംഘം ഇവരുടെ മൊഴി രേഖപ്പെടുത്തിയത്.
അന്വേഷണസംഘത്തിലെ എസിപി വി.കെ.രാജുവിന്റെ നേതൃത്വത്തിലുള്ള സംഘം ടൗണ് സൗത്ത് പോലീസ് സ്റ്റേഷനില് വിളിച്ചു വരുത്തിയാണ് ഇരുവരുടെയും മൊഴി രേഖപ്പെടുത്തിയത്. ഡ്രൈവറുടെ ഭാര്യയാണ് ഫ്ളാറ്റില് സ്വപ്നയുടെ സഹായിയായി ഉണ്ടായിരുന്നത്. അതുകൊണ്ടാണു ഇവരുടെ മൊഴിയും എടുത്തത്. സ്വര്ണക്കടത്തു കേസില് സ്വപ്നയുടെ വിവാദ വെളിപ്പെടുത്തല് സമയത്ത് ഡ്രൈവറായിരുന്ന വ്യക്തി സംഭവത്തിനു ശേഷം ജോലിയില് നിന്നു സ്വയം ഒഴിഞ്ഞിരുന്നു