കൊച്ചി : നടി ആക്രമിക്കപ്പെട്ട കേസുമായി ബന്ധപ്പെട്ട് നടനും നിർമ്മാതാവുമായ വിജയ് ബാബുവിന്റെ സ്വത്തുക്കൾ കണ്ടുകെട്ടും. ഇതിന്റെ ഭാഗമായാണ് വിജയ് ബാബുവിന്റെ ബിസിനസ് പങ്കാളിയെ അന്വേഷണ സംഘം ചോദ്യം ചെയ്തത്. സമീപകാലത്തായി വിജയ് ബാബുവിന്റെ ബിസിനസുകളിൽ ഏറ്റവും കൂടുതൽ നിക്ഷേപം നടത്തിയ വ്യക്തിയെ പോലീസ് ചോദ്യം ചെയ്തതായാണ് വിവരം. ഇന്നലെ നാട്ടിലേക്ക് മടങ്ങുമെന്ന് വിജയ് ബാബു നേരത്തെ അറിയിച്ചിരുന്നു. എന്നാൽ അവസാന നിമിഷം ടിക്കറ്റ് റദ്ദാക്കി.
അതേസമയം, വിജയ് ബാബു നാളെ നാട്ടിലേക്ക് മടങ്ങിയേക്കുമെന്നും റിപ്പോർട്ടുകളുണ്ട്. ബുധനാഴ്ച പുലർച്ചെ ദുബായിൽ നിന്ന് കൊച്ചിയിലേക്കുള്ള വിമാനത്തിൻ ടിക്കറ്റ് ബുക്ക് ചെയ്തതായി വിജയ് ബാബുവിന്റെ അഭിഭാഷകൻ കോടതിയെ അറിയിച്ചു. വിജയ് ബാബുവിന്റെ മുൻകൂർ ജാമ്യാപേക്ഷ ഹൈക്കോടതി ഇന്ന് പരിഗണിക്കും. വിഷയത്തിൽ കോടതിയുടെ നിലപാട് അറിഞ്ഞാണ് വിജയ് ബാബു നാട്ടിലേക്ക് മടങ്ങാൻ തീരുമാനിച്ചത്.
