ചങ്ങനാശ്ശേരി : കാത്തലിക് സിറിയന് ബാങ്കിന്റെ നാലുകോടി ശാഖയില് തീപിടിത്തം. വ്യാഴാഴ്ച രാവിലെ ഏഴിനാണ് ബാങ്കിനുള്ളില്നിന്ന് പുക ഉയരുന്നത് സമീപവാസികള് കണ്ടത്. ഇവര് ഉടന് അഗ്നിരക്ഷാസേനയുടെ സ്റ്റേറ്റ് കണ്ട്രോള്റൂമില് വിവരമറിയിച്ചു. അവിടെനിന്നു കിട്ടിയ വിവരമനുസരിച്ച് ചങ്ങനാശ്ശേരിയില് നിന്ന് അഗ്നിരക്ഷസേനയെത്തി തീയണച്ചു.
ബാങ്കിന്റെ ഒരു ഭാഗത്തുള്ള മേശ, കസേര, ഫാന് എന്നിവ കത്തിനശിച്ചു. കുറച്ച് ഫയലുകളും നഷ്ടപ്പെട്ടു. സ്ട്രോങ് റൂമിനോ മറ്റ് ഉപകരണങ്ങള്ക്കോ നാശനഷ്ടമുണ്ടായിട്ടില്ലെന്ന് ബാങ്ക് അധികൃതരെത്തി പരിശോധിച്ചശേഷം പോലീസിനെയും അഗ്നിരക്ഷാസേനയെയും അറിയിച്ചിട്ടുണ്ട്. ഷോര്ട്ട് സര്ക്യൂട്ടാണ് തീപിടിത്തത്തിന് കാരണമെന്നാണ് പ്രാഥമിക നിഗമനമെന്ന് അഗ്നിരക്ഷാസേനാധികൃതര് അറിയിച്ചു.
