ബർലിൻ : ജർമൻ തലസ്ഥാനമായ ബർലിനിനെ നടുക്കിയ സിഎസ്ഡി (CSD) ഭീകരാക്രമണത്തിന് പിന്നാലെ രാജ്യമൊട്ടാകെ അന്വേഷണസംഘം തിരഞ്ഞിരുന്ന ഐഎസ് ഭീകരൻ അബ്ദുൽ ബലൂട്ട് (21) പോലീസ് വെടിവെപ്പിൽ കൊല്ലപ്പെട്ടു. ബർലിനിലെ സ്പാൻഡൗ ജില്ലയിലെ ഗാർഡൻ ഹൗസിൽ ഒളിച്ചിരിക്കുകയായിരുന്ന ഇയാളെ പ്രത്യേക കമാൻഡോ സംഘം വളഞ്ഞതിനെ തുടർന്നുണ്ടായ ഏറ്റുമുട്ടലിലാണ് മരണം. രഹസ്യവിവരത്തിന്റെ അടിസ്ഥാനത്തിൽ സ്പാൻഡൗവിലെ ഗാർഡൻ പ്ലോട്ട് 46ൽ പരിശോധനയ്ക്കെത്തിയ പ്രത്യേക കമാൻഡോ സംഘത്തിന് നേരെ അബ്ദുൽ ബലൂട്ട് ആക്രമണം നടത്തിയതായി പോലീസ് അറിയിച്ചു.
ഇതോടെ കമാൻഡോകൾ തിരിച്ചുവെടിവെയ്ക്കുകയായിരുന്നു. ഏതാനും മിനിറ്റുകളുടെ ഇടവേളയിൽ രണ്ട് ഘട്ടങ്ങളിലായി ശക്തമായ വെടിവെപ്പ് നടന്നതായി പ്രദേശവാസികൾ പറഞ്ഞു. വെടിയേറ്റ അബ്ദുൽ ബലൂട്ട് ഇന്നലെ (ഞായർ) വൈകിട്ട് 6.34ഓടെ സംഭവസ്ഥലത്തുവച്ചുതന്നെ മരിച്ചതായി ഔദ്യോഗിക വൃത്തങ്ങൾ സ്ഥിരീകരിച്ചു.
