കൊച്ചി : ഡോളര് കടത്ത് കേസുമായി ബന്ധപ്പെട്ട് യൂണിടാക് എംഡി സന്തോഷ് ഈപ്പനെ കസ്റ്റംസ് ഇന്ന് വീണ്ടും ചോദ്യം ചെയ്യും. ലൈഫ് മിഷനിലെ കോഴപ്പണം ഡോളറാക്കി കടത്തിയ സംഭവത്തിലാണ് ചോദ്യം ചെയ്യല്. കൂടുതല് സമഗ്രമായ അന്വേഷണത്തിലേക്കാണ് ഡോളര് കടത്തു കേസില് കസ്റ്റംസ് നീങ്ങുന്നത്. ഇടപാടില് ഉള്പ്പെട്ടവരെക്കുറിച്ച് സന്തോഷ് ഈപ്പന് അറിയാമെന്ന് വ്യക്തമാക്കുന്ന തെളിവുകള് കസ്റ്റംസിന് ലഭിച്ചു.
സന്തോഷ് ഈപ്പനെ കസ്റ്റംസ് കഴിഞ്ഞ ഡിസംബര് അഞ്ചിനും ചോദ്യം ചെയ്തിരുന്നു. മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം. ശിവശങ്കറിന് കേസില് ജാമ്യം കിട്ടിയ സാഹചര്യത്തിലാണ് കൂടുതല് തെളിവുകളും മൊഴികളും കസ്റ്റംസ് ശേഖരിക്കുന്നത്
