തിരുവനന്തപുരം: യു എ ഇ കോണ്‍സല്‍ ജനറലിന്റെ മുന്‍ ഗണ്‍മാന്‍ ജയഘോഷിന്റെ വീട്ടില്‍ കസ്റ്റംസ് റെയ്ഡ്. സ്വര്‍ണ്ണക്കടത്തുകേസുമായി ബന്ധപ്പെട്ടാണ് റെയ്ഡ്. തിരുവനന്തപുരം വട്ടിയൂര്‍ക്കാവിലെ വീട്ടില്‍ ഇന്നുച്ചയോടെയാണ് റെയ്ഡ് ആരംഭിച്ചത്. ഇവിടെ നിന്ന് എന്തെങ്കിലും രേഖകള്‍ ലഭിച്ചോ എന്ന് വ്യക്തമല്ല.
ജയഘോഷിനെ അന്വേഷണ സംഘം ഇന്ന് വീണ്ടും ചോദ്യം ചെയ്തേക്കുമെന്നാണ് അറിയുന്നത്. ആത്മഹത്യാശ്രമത്തെ തുടര്‍ന്ന് സ്വകാര്യ ആശുപത്രിയില്‍ ചികിത്സയില്‍ കഴിയവേ ജയഘോഷിനെകണ്ട് ഐ ബി ഉദ്യോഗസ്ഥള്‍ വിവരങ്ങള്‍ ശേഖരിച്ചിരുന്നു. ഇയാള്‍ക്ക് സ്വര്‍ണ്ണക്കടത്തില്‍ പങ്കുണ്ടെന്നാണ് കരുതുന്നത്. ജയഘോഷിന് കോണ്‍സുലേറ്റിലെ ഇടപാടുകളെക്കുറിച്ച്‌ വ്യക്തമായ ബോധ്യമുളളതായാണ് അന്വേഷണസംഘം കരുതുന്നത്.
സര്‍വ്വീസ് ചട്ടങ്ങള്‍ ലംഘിച്ചതിന് ഇയാള്‍ ഇപ്പോള്‍ സസ്പെന്‍ഷനിലാണ്. അറ്റാഷെ രാജ്യം വിട്ടത് അറിയിച്ചില്ല, സര്‍വ്വീസ് റിവോള്‍വര്‍ മടക്കി ഏല്‍പ്പിച്ചില്ല തുടങ്ങിയ കുറ്റങ്ങള്‍ ചുമത്തിയാണ് സസ്പെന്‍ഡു ചെയ്തത്.
