കൊച്ചി: മന്ത്രി കെ.ടി ജലീലിനെ വീണ്ടും ചോദ്യം ചെയ്യാന് കസ്റ്റംസ് നീക്കം. തിങ്കളാഴ്ച കൊച്ചിയില് ഹാജരാകാന് ജലീലിന് കസ്റ്റംസ് നോട്ടീസ് നല്കി. മതഗ്രന്ഥങ്ങള് വിതരണം ചെയ്തതുമായി ബന്ധപ്പെട്ട കേസിലാണ് ചോദ്യം ചെയ്യല്. നയതന്ത്ര ചാനല് വഴി ഇറക്കുമതി ചെയ്യുന്ന സാധനങ്ങള് പുറത്ത് വിതരണം ചെയ്തതില് നിയമലംഘനമുണ്ടെന്നാണ് കസ്റ്റംസിന്റെ വിലയിരുത്തല്. ഇതു സംബന്ധിച്ച കാര്യങ്ങളില് വ്യക്തത വരുത്തുന്നതിനാണ് മന്ത്രിയെ വീണ്ടും ചോദ്യം ചെയ്യുന്നത്.
നയതന്ത്ര ചാനല് വഴി കേരളത്തിലെത്തിച്ച മതഗ്രന്ഥങ്ങള് സംസ്ഥാനത്ത് പലസ്ഥലങ്ങളിലും വിതരണം ചെയ്തതില് നിയമലംഘനം നടന്നിട്ടുണ്ടെന്നാണ് കസ്റ്റംസിന്റെ പ്രാഥമിക വിലയിരുത്തല്. ഇത് അന്വേഷിക്കുന്നതിനായി സ്പെഷ്യല് ടീമിനെ കസ്റ്റംസ് നിയോഗിച്ചിരുന്നു.
