തിരുവനന്തപുരം : പൊതുവഴിയില് സൈക്കിള് നിര്ത്തിയതിന്
അച്ഛനും മകനും ചേര്ന്ന് പതിനഞ്ചുകാരന്റെ തല കമ്പിപ്പാര കൊണ്ട് അടിച്ചു പൊളിച്ചു. നെയ്യാറ്റിന്കര വെള്ളറടയിലാണ് സംഭവം. വെള്ളറട സ്വദേശിയായ സരസ്വതി മുരുകന് ദമ്പതികളുടെ മകനായ ആനന്ദ് എന്ന 15കാരനാണ് ആക്രമണത്തി നിരയായത്. കൊല്ല കുടിയേറ്റം സ്വദേശികളായ കൃഷ്ണന് എന്ന അമ്പിളിയും മകന് യദുകൃഷ്ണനും ചേര്ന്നാണ് ആനന്ദിനെ മര്ദ്ദിച്ചത്.
വഴിയില് സൈക്കിള് നിര്ത്തിയതിനെ ചൊല്ലിയുള്ള തര്ക്കം ആക്രമണത്തില് കലാശിക്കുകയായിരുന്നു. കമ്പിപ്പാര കൊണ്ട് തലയ്ക്കടിയേറ്റ ആനന്ദിനെ വെള്ളറട കമ്മ്യൂണിറ്റി ഹെല്ത്ത് സെന്ററിലും തുടര്ന്ന് നെയ്യാറ്റിന്കര ജനറല് ആശുപത്രിയിലും പ്രവേശിപ്പിച്ചു. ആനന്ദ് ഇപ്പോള് ചികിത്സയിലാണ്. സംഭവത്തിനെതിരെ വെള്ളറട പോലീസിലും ബാലാവകാശ കമ്മീഷനില് ബന്ധുക്കള് പരാതി നല്കിയിട്ടുണ്ട്.
