കൊല്ലം: ദിവസങ്ങൾ മാത്രം പ്രായമുള്ള കുഞ്ഞിനെ വീടിന് മുന്നിൽ ഉപേക്ഷിച്ച നിലയിൽ. പുനലൂർ വിളക്കുടി സ്നേഹതീരത്തിന് സമീപമുള്ള വീടിന് മുന്നിലാണ് പെൺകുഞ്ഞിനെ കുഞ്ഞിനെ ഉപേക്ഷിച്ച നിലയിൽ കണ്ടെത്തിയത്.
കുന്നിക്കോട് പോലീസ് വിവരമറിഞ്ഞ് സ്ഥലത്തെത്തി കുഞ്ഞിനെ പുനലൂർ താലൂക്ക് ആശുപത്രിയിൽ എത്തിച്ചു. ഇന്നലെ അർധരാത്രിയിലാണ് കുഞ്ഞിനെ കണ്ടെത്തിയത്. കുഞ്ഞിനെ വൈകാതെ തന്നെ ശിശുക്ഷേമസമിതിക്ക് കൈമാറും. കുഞ്ഞ് പൂർണആരോഗ്യവതിയാണെന്ന് ഡോക്ടർമാർ അറിയിച്ചു.
