പത്തനംതിട്ട : പെട്രോള്, ഡീസല്, പാചക വതക വില അടിക്കടി ഭീമമായി വര്ദ്ധിപ്പിക്കുന്നത് മോഡി സര്ക്കാരിന്റെ ആശ്രിതരായ കുത്തക പ്രെട്രോളിയം കമ്പനികളെ സഹായിക്കുന്നതിനാണെന്ന് ഡി.സി.സി പ്രസിഡന്റ് പ്രൊഫ.സതീഷ് കൊച്ചുപറമ്പില് പറഞ്ഞു. വില വര്ദ്ധനക്കെതിരെ ബ്ലോക്ക് കോണ്ഗ്രസ് കമ്മിറ്റിയുടെ നേതൃത്വത്തില് പത്തനംതിട്ട ഹെഡ് പോസ്റ്റോഫീസിന് മുമ്പില് നടത്തിയ പ്രതിഷേധ ധര്ണ്ണ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. പെട്രോളിയം ഉല്പ്പന്നങ്ങളെ ജി.എസ്.റ്റി പരിധിയില് ഉള്പ്പെടുത്താതെയും എക്സൈസ് നികുതി കുറക്കാതെയും പിണറായി സര്ക്കാര് മോഡി സര്ക്കാരിന്റെ ജനദ്രോഹ നടപടികള്ക്ക് കൂട്ട് നില്ക്കുകയാണെന്ന് ഡി.സി.സി പ്രസിഡന്റ് പറഞ്ഞു.
ജനങ്ങളെ ദ്രോഹിക്കുന്ന കാര്യത്തില് കേന്ദ്ര – സംസ്ഥാന സര്ക്കാരുകള് മത്സരിക്കുകയാണെന്നും ഇതിനെതിരെ കോണ്ഗ്രസ് ശക്തമായ ജനകീയ സമര പരിപാടികള് സംഘടിപ്പിക്കുമെന്നും അദ്ദേഹം മുന്നറിയിപ്പ് നല്കി. ബ്ലോക്ക് പ്രസിഡന്റ് എം. അബ്ദുള് കലാം ആസാദ് അദ്ധ്യക്ഷത വഹിച്ചു. ഡി.സിസി ഭാരവാഹികളായ എ.സുരേഷ് കുമാര്, സാമുവല് കിഴക്കുപുറം, അഡ്വ.സുനില്. എസ്.ലാല്, പി.കെ ഇക്ബാല്, സജി കെ സൈമണ്, നഹാസ് പത്തനംതിട്ട, ഏബല് മാത്യു, റനീസ് മുഹമ്മദ്, സജി അലക്സാണ്ടര്, അജിത് മണ്ണില്, അഷറഫ്, ജോസ് കൊടുന്തറ, രാജു നെടുവേലി, എം.എ സിദ്ധിക്, ജിനു ദാനിയേല് എന്നിവര് പ്രസംഗിച്ചു.
