പത്തനംതിട്ട : തദ്ദേശ സ്വയംഭരണ സ്ഥാപനങ്ങള്ക്ക് മുന്പില് ആഗസ്റ്റ് മാസം 3-ാം തീയതി രാവിലെ 10 മണിക്ക് യു.ഡി.എഫിന്റെ നേതൃത്വത്തില് ധര്ണ്ണ നടത്തുന്നു. തദ്ദേശസ്വയംഭരണ സ്ഥാപനങ്ങളെ ഭരണഘടനാ സ്ഥാപനങ്ങളാക്കി മാറ്റിയതും അധികാര വികേന്ദ്രീകരണം നടപ്പിലാക്കിയതും ഇന്ത്യന് നാഷണല് കോണ്ഗ്രസാണ്. നിയമപരമായി കൈമാറിയ അധികാരങ്ങളും സാമ്പത്തിക സഹായവും അധികാര വികേന്ദ്രീകരണത്തിന്റെ ആത്മാവാണ്. ഈ അധികാരങ്ങളും സമ്പത്തും ഇന്ന് കവര്ന്നെടുത്തുകൊണ്ടിരിക്കുകയാണ്.
ഇതിന്റെ ഏറ്റവും ഒടുവിലത്തെ തെളിവാണ് തദ്ദേശ സ്വയംഭരണ സ്ഥാപനങ്ങളുടെ മെയിന്റന്സ് ഗ്രാന്റ് വെട്ടിക്കുറച്ച നടപടി. 2022 ജൂലൈ 5 നാണ് മെയിന്റനന്സ് ഗ്രാന്റ് വെട്ടിക്കുറച്ചുകൊണ്ട് തദ്ദേശ വകുപ്പ് ഉത്തരവിറക്കിയത്. എല്.ഡി.എഫ് സര്ക്കാരിന്റെ ഈ നടപടിയില് പ്രതിഷേധിച്ച് ആഗസ്റ്റ് മാസം 3-ാം തീയതി രാവിലെ 10 മണിക്ക് ജില്ലയിലെ തദ്ദേശ സ്വയംഭരണ സ്ഥാപനങ്ങള്ക്കുമുമ്പില് യു.ഡി.എഫിന്റെ നേതൃത്വത്തില് ധര്ണ്ണ നടത്തുമെന്ന് ജില്ലാ കണ്വീനര് എ.ഷംസുദ്ദീന് അറിയിച്ചു.
