ഡല്ഹി: മെട്രോയ്ക്കുള്ളില് യുവാവിന്റെ പരസ്യ സ്വയംഭോഗം. ഡല്ഹി മെട്രോയ്ക്കുള്ളില് നിരവധി യാത്രികര് ചുറ്റും ഇരിക്കെയാണ് യുവാവ് സ്വയംഭോഗം ചെയ്തത്. അടുത്തിരുന്ന യാത്രക്കാരോട് അശ്ലീല ചേഷ്ടകളും ഇയാള് കാണിച്ചു. ദൃശ്യങ്ങള് മറ്റ് യാത്രികരിലൊരാള് പകര്ത്തി സോഷ്യല്മീഡിയയില് പങ്കുവച്ചതോടെയാണ് സംഭവം പുറത്തറിയുന്നത്. സംഭവത്തില് ഡല്ഹി വനിതാ കമ്മീഷന് അധ്യക്ഷ സ്വാതി മലിവാള് ഡല്ഹി പോലീസിനും ഡല്ഹി മെട്രോയ്ക്കും നോട്ടീസ് അയച്ചു.
ഫോണില് അശ്ലീല വീഡിയോകള് കണ്ടായിരുന്നു ഇയാള് സ്വയംഭോഗത്തില് ഏര്പ്പെട്ടത്. എന്നാല് ഇയാളുടെ പ്രവൃത്തികളെ പൂര്ണമായും അവഗണിച്ച് രണ്ട് സീറ്റുകള് അകലെ മറ്റൊരാള് ഇരിക്കുന്നതും വീഡിയോയില് കാണാം. ഇയാള്ക്കെതിരെ രൂക്ഷവിമര്ശനമുന്നയിച്ചും ശക്തമായ നടപടിയാവശ്യപ്പെട്ടും നിരവധി പേരാണ് രംഗത്തെത്തിയിരിക്കുന്നത്.
