ഹൂസ്റ്റണ്: ഒമാന് തീരത്ത് നിന്നും അന്താരാഷ്ട്ര തര്ക്കം ആരോപിച്ച് ഇറാനിയന് നാവികസേന പിടിച്ചെടുത്ത എണ്ണക്കപ്പലില് മലയാളിയും. എറണാകുളം കൂനമ്മാവ് സ്വദേശിയാണ് കപ്പലിലുള്ളത്. കുവൈറ്റില് നിന്നും ഹൂസ്റ്റണിലേക്കുള്ള യാത്ര മധ്യേയാണ് കപ്പല് പിടിച്ചെടുത്തത്. 24 ജീവനക്കാരാണ് കപ്പലിലുള്ളത്. ഇതില് 23 പേരും ഇന്ത്യക്കാരാണ്. വ്യാഴാഴ്ച്ച 1.15 നാണ് ഹൂസ്റ്റണിലേക്കുള്ള യാത്രാമധ്യേ ഒമാന് ഉള്ക്കടലില് വെച്ച് കപ്പല് പിടിച്ചെടുത്തത്.
അഡ്വാന്റേജ് സ്വീറ്റ് എന്ന അമേരിക്കന് എന്ന കപ്പല് പിടിച്ചെടുത്തത്. പിടിച്ചെടുത്ത കപ്പല് ഇറാന് നാവിക സേന അജ്ഞാതമായ തുറമുഖത്തേക്ക് മാറ്റുകയായിരുന്നു. ജീവനക്കാരെയും കപ്പലിനെയും മോചിപ്പിക്കുന്നതിന് ഉചിതമായ നടപടികള് കമ്പനി സ്വീകരിക്കുന്നതായി അറിയിച്ചിട്ടുണ്ട്. മുന്പ് ഉണ്ടായ ഇത്തരം പിടിച്ചെടുക്കലില് അനിഷ്ടസംഭവങ്ങള് ഒന്നും ഉണ്ടായിരുന്നില്ലെന്നും വക്താവ് വ്യക്തമാക്കി.
