കൊച്ചി : മോര്ച്ചറിയില് സൂക്ഷിച്ചിരുന്ന കോവിഡ് രോഗിയുടെ മൃതദേഹം പുഴുവരിച്ചെന്ന് ആക്ഷേപം.കളമശേരി മെഡിക്കല് കോളേജില് കോവിഡ് ബാധിച്ച് മരിച്ച വൃദ്ധന്റെ മൃതദേഹമാണ് പുഴുവരിച്ചത്. ആശുപത്രിക്കെതിരെ ബന്ധുക്കള് പരാതി നല്കിയിട്ടുണ്ട്.
മരണം ദിവസങ്ങളോളം ആശുപത്രി അധികൃതര് മറച്ചുവെച്ചുവെന്ന സംശയവും ബന്ധുക്കള് ഉയര്ത്തുന്നുണ്ട്. അതേസമയം ആരോപണം കളമശേരി മെഡിക്കല് കോളേജ് അധികൃതര് നിഷേധിച്ചു. മരണവിവരം മറച്ചുവച്ചിട്ടില്ലെന്ന് ആശുപത്രി അധികൃതര് വ്യക്തമാക്കി.