ദുബായ് : യുവാവിന്റെ ആത്മഹത്യ ശ്രമം തടയാനുള്ള ശ്രമത്തിനിടെ കെട്ടിടത്തില് നിന്ന് വീണ് മലയാളി മരിച്ചു. ദുബൈ ജബല് അലിയിലാണ് സംഭവം. കടക്കല് കാഞ്ഞിരത്തുംമൂട് തേക്കില് കുഞ്ഞിമുക്ക് തെക്കേടത് വീട്ടില് പരേതനായ ബാലകൃഷ്ണപിള്ളയുടെ മകന് ബിലു കൃഷ്ണനാണ് (30) മരിച്ചത്. കണ്സ്ട്രക്ഷന് കമ്പനിയില് സൂപ്പര്വൈസര് ആയിരുന്ന ബിലു യുവാവ് കെട്ടിടത്തിന് മുകളില് നിന്ന് ചാടാന് ശ്രമിക്കുന്നത് കണ്ട് തടയുകയായിരുന്നു. ഇതിനിടയിലാണ് താഴേക്കു വീണത്. കഴിഞ്ഞ വര്ഷമായിരുന്നു വിവാഹം. ഭാര്യ: ലക്ഷ്മി.
