ജിദ്ദ : ഉംറ കഴിഞ്ഞു മടങ്ങുന്നതിനിടയില് ജിദ്ദ എയര്പോര്ട്ടില് വെച്ച് അസുഖബാധിതയായ തീര്ത്ഥാടക മരിച്ചു. കൊല്ലം, കരുനാഗപ്പള്ളി സ്വദേശിനി റുഖിയാബീവി (70) ആണ് ജിദ്ദാ കിംഗ് അബ്ദുള്ള മെഡിക്കല് സിറ്റി ഹോസ്പിറ്റലിലെ തീവ്ര പരിചരണ വിഭാഗത്തില് ചികിത്സയിലായിരിക്കേ മരിച്ചത്. ഇസ്ഹാക്ക് കുട്ടി (ഷാജി), ഷാഹിദ, സീനത്ത് എന്നിവര് മക്കളാണ്.
പത്തു ദിവസങ്ങള്ക്ക് മുമ്പായിരുന്നു റുഖിയാ ബീവി ഉംറ നിര്വഹിച്ചതിന് ശേഷം നാട്ടിലേയ്ക്ക് മടങ്ങുന്നതിനായി ജിദ്ദാ വിമാനത്താവളത്തില് എത്തിയത്. വിമാനത്തില് ബോര്ഡിങ് പാസ് ലഭിച്ച ശേഷം എമിഗ്രേഷന് നടപടികള്ക്കായി ക്യൂ നില്ക്കുന്നതിനിടയിലാണ് റുഖിയാ ബീവിയ്ക്ക് ശാരീരികാസ്വാസ്ഥ്യം അനുഭവപ്പെട്ടതും ആശുപത്രിയില് ചികിത്സയിലായതും.
