ന്യൂഡല്ഹി : ഡല്ഹി റെയില്വേ സ്റ്റേഷനില് കുഴഞ്ഞു വീണ മുന്മന്ത്രി കടന്നപ്പള്ളി രാമചന്ദ്രനെ ആര്.എം.എല് ആശുപത്രിയില് പ്രവേശിപ്പിച്ചു. രക്തത്തിലെ പഞ്ചസാരയുടെ അളവില് വ്യത്യാസം വന്നതിനെ തുടര്ന്നാണ് കുഴഞ്ഞുവീണത്. ആരോഗ്യനിലയില് ആശങ്കപെടാനില്ലെന്ന് ആര്.എം.എല് ആശുപത്രി അധികൃതര് അറിയിച്ചു. നിയമസഭാ സമിതിയുടെ ഭാഗമായി ഭോപ്പാലിലേക്ക് പോകാനായാണ് ഡല്ഹി റെയില്വേ സ്റ്റഷേനില് എത്തിയത്. കടന്നപ്പള്ളിയുടെ അനാരോഗ്യത്തെ തുടര്ന്ന് സമിതിയുടെ യാത്ര റദ്ദാക്കി.
