ചെന്നൈ : വാടക ഗര്ഭധാരണ സംഭവത്തില് നയന്താരയുടെ വെളിപ്പെടുത്തല്. ആറു വര്ഷം മുമ്പ് നയന്താരയും വിഘ്നേഷ് ശിവനും തമ്മിലുള്ള വിവാഹം റജിസ്റ്റര് ചെയ്തിരുന്നു എന്നാണ് പുതിയ വെളിപ്പെടുത്തല്. ആരോഗ്യ വിദ്യാഭ്യാസ ഡയറക്ടറുടെ നേതൃത്വത്തിലുള്ള സംഘമാണ് വാടക ഗർഭധാരണത്തിനുള്ള നിയമങ്ങൾ താരം ലംഘിച്ചോയെന്ന് അന്വേഷിക്കുന്നത്. ചെന്നൈയിലെ വന്ധ്യത ക്ലിനിക്കിൽ വെച്ചാണ് പ്രസവം നടന്നതെന്ന വിവരം നേരത്തെ പുറത്തായിരുന്നു.
വാടക ഗർഭധാരണം സംഭവിച്ച് രാജ്യത്ത് കർശന വ്യവസ്ഥകൾ നിലനിൽക്കെ വിവാഹം കഴിഞ്ഞ് 4 മാസത്തിനുള്ളിൽ കുഞ്ഞ് ജനിച്ചതിനെ തുടര്ന്ന് വിവാദം ഉടലെടുത്തതോടെയാണ് തമിഴ്നാട് സര്ക്കാര് വിഷയത്തില് ഇടപെട്ടത്. അതേസമയം കഴിഞ്ഞ ഡിസംബറിലാണ് വാടക ഗര്ഭധാരണത്തിനുള്ള നടപടികള് ആരംഭിച്ചതെന്നും തമിഴ്നാട് ആരോഗ്യവകുപ്പിന് നല്കിയ സത്യവാങ്മൂലത്തില് താര ദമ്പതികള് വെളിപ്പെടുത്തി. വിവാഹ റജിസ്റ്റർ രേഖകളും സത്യവാങ്മൂലത്തിനൊപ്പം സമർപ്പിച്ചിട്ടുണ്ട്.
