എറണാകുളം : മന്ത്രി ജെ. മേഴ്സിക്കുട്ടിയമ്മയ്ക്ക് പിന്നാലെ ഇ.പി. ജയരാജനെയും കണ്ടിരുന്നുവെന്ന് വെളിപ്പെടുത്തി ഇഎംസിസി കമ്പനി ഡയറക്ടര്. വ്യവസായ മന്ത്രിയെ സെക്രട്ടറിയറ്റില് വെച്ച് നേരില് കണ്ട് വിവരങ്ങള് കൈമാറിയെന്നും മന്ത്രിസഭാ അംഗീകാരം ലഭിക്കുമോയെന്നറിയാന് അപേക്ഷ നല്കിയെന്നും ഷിജു വര്ഗീസ് പറഞ്ഞു. ആഴക്കടല് മത്സ്യബന്ധന കരാര് നടപടികളില് നിന്ന് പിന്നോട്ടില്ലെന്നും ഇഎംസിസി വ്യക്തമാക്കി.
മന്ത്രിമാരായ മേഴ്സിക്കുട്ടിയമ്മക്കും ഇ. പി. ജയരാജനുമെതിരെ ഗുരുതര അഴിമതി ആരോപണവുമായി പ്രതിപക്ഷ നേതാവ് രമേശ് ചെന്നിത്തലയാണ് രംഗത്ത് എത്തിയത്. ആഴക്കടല് മത്സ്യബന്ധനത്തിന് ടെന്ഡര് വിളിക്കാതെ അമേരിക്കന് കമ്പനിയുമായി കരാര് ഒപ്പിട്ടെന്നായിരുന്നു ചെന്നിത്തലയുടെ ആരോപണം. കരാറിന് പിന്നില് 5000 കോടിയുടെ അഴിമതിയെന്നും ചെന്നിത്തല പറഞ്ഞു.
