കടയ്ക്കാവൂര്: തൊപ്പിച്ചന്തയില് മത്സ്യവില്പനയ്ക്കെത്തിയ യുവതിയെ ആക്രമിക്കുകയും അപമാനിക്കാന് ശ്രമിക്കുകയും ചെയ്ത യുവാവിനെ കടയ്ക്കാവൂര് പോലീസ് അറസ്റ്റുചെയ്തു. പെരുങ്കുളം ഇടക്കോട് കാട്ടുവിള വീട്ടില് ഷാക്കിര് (31)ആണ് പിടിയിലായത്. തൊപ്പിച്ചന്ത മാര്ക്കറ്റില് മത്സ്യവില്പനക്കെത്തിയ അഞ്ചുതെങ്ങ് സ്വദേശിനിയെ റോഡിൽവെച്ചു മര്ദ്ദിക്കുകയും തെറിവിളിക്കുകയും ചെയ്യുന്നതിന്റെ ദൃശ്യങ്ങള് ഫേസ്ബുക്കിലും വാട്സ്ആപ്പിലും പ്രചരിച്ചിരുന്നു. സാധനം പൊതിയുന്നതിന് ന്യൂസ്പേപ്പര് ചോദിച്ചപ്പോള് കൊടുക്കാത്തതാണു കാരണം. വീഡിയോകണ്ട് മത്സ്യത്തൊഴിലാളികള് പ്രധിഷേധിച്ചു. കടയ്ക്കാവൂര് സി.ഐ ശിവകുമാറിന്റെ നേതൃത്വത്തില് എസ്.ഐ വിനോദ് വിക്രമാദിത്യന്, ജി.എസ്.ഐ നസീറുദ്ദീന്, എസ്.പി.സി.ഒ.മാരായ ബിനോജ്, സന്തോഷ് എന്നിവരടങ്ങിയ സംഘം പ്രതിയെ പിടികൂടി കോടതിയില് ഹാജരാക്കി.
മത്സ്യവില്പനക്കാരിയെ ആക്രമിച്ച പ്രതിയെ പോലീസ് അറസ്റ്റുചെയ്തു
RECENT NEWS
Advertisment