ന്യൂഡല്ഹി : ഡല്ഹി ഇന്ദിരാഗാന്ധി അന്താരാഷ്ട്ര വിമാനത്താവളത്തിലെ സുരക്ഷാ ഉദ്യോഗസ്ഥര്ക്ക് കഴിഞ്ഞ രണ്ട് മാസമായി പ്രതിവാര അവധി നല്കിയിട്ടില്ല. വിമാനത്താവളത്തിലെ തിരക്ക് മൂലമുണ്ടായ പ്രതിസന്ധികള് കാരണം ടി3 ടെര്മിനലില് വിന്യസിച്ചിരിക്കുന്ന സിഐഎസ്എഫ് ഉദ്യോഗസ്ഥരുടെയും ജവാന്മാരുടെയും അവധികളും റദ്ദാക്കി. ഡല്ഹി വിമാനത്താവളത്തിലെ സിഐഎസ്എഫ് ഉദ്യോഗസ്ഥര്ക്ക് ഒക്ടോബര് മുതല് പ്രതിവാര അവധി നല്കിയിട്ടില്ല.
ലീവ് അനുപാതം നിലവിലെ ശരാശരി 14 ശതമാനത്തിന് പകരം 1.6 ശതമാനമായി കുറച്ചതായി അധികൃതര് അറിയിച്ചു. നേരത്തെ 100 പേരില് 14 സിഐഎസ്എഫ് ഉദ്യോഗസ്ഥര്ക്ക് ഒരേ സമയം അവധിയെടുക്കാമായിരുന്നു. എന്നാല് ഈ അവധിക്കാലത്ത് യാത്രക്കാരുടെ തിരക്ക് കൈകാര്യം ചെയ്യാന് ബുദ്ധിമുട്ടുന്നതിനാല് അത് ഒരാളായി വെട്ടിക്കുറച്ചു. ഇന്ദിരാഗാന്ധി അന്താരാഷ്ട്ര വിമാനത്താവളത്തിലെ 1,2, 3 ടെര്മിനലുകളിലെ സുരക്ഷാ ചുമതലകള്ക്കായി അഡ്മിനിസ്ട്രേറ്റീവ് ഡ്യൂട്ടിയ്ക്കുണ്ടായിരുന്ന ഉദ്യോഗസ്ഥരെയും സിഐഎസ്എഫിന് വിന്യസിപ്പിക്കേണ്ടിവന്നു.
വിമാനത്താവളത്തില് വര്ധിച്ചുവരുന്ന തിരക്ക് കണക്കിലെടുത്ത് 60-80 അധിക സിഐഎസ്എഫ് ഉദ്യോഗസ്ഥരെ വിമാനത്താവളത്തില് നിയമിച്ചിട്ടുണ്ട്. ഇന്ദിരാഗാന്ധി വിമാനത്താവളത്തില് തിരക്ക് മൂലം ബുദ്ധിമുട്ടുകയാണെന്ന് നിരവധി യാത്രക്കാര് സോഷ്യല് മീഡിയയില് പരാതിപ്പെട്ടിരുന്നു. വിമാനത്താവളത്തിന് പുറത്തുള്ള നീണ്ട ക്യൂവിനെക്കുറിച്ചും നിരവധിപേര് പ്രതികരിച്ചിരുന്നു. പരാതികള്ക്കിടയില് കേന്ദ്ര വ്യോമയാന മന്ത്രി ജ്യോതിരാദിത്യ സിന്ധ്യ തിങ്കളാഴ്ച വിമാനത്താവളത്തിന്റെ ടെര്മിനല് 3-ല് അപ്രതീക്ഷിത സന്ദര്ശനം നടത്തിയിരുന്നു.
പത്തനംതിട്ട മീഡിയയില് ക്ലാസ്സിഫൈഡ് പരസ്യങ്ങള് കുറഞ്ഞ നിരക്കില്
മുന്നിര ചാനലായ പത്തനംതിട്ട മീഡിയയില് ക്ലാസ്സിഫൈഡ് പരസ്യങ്ങള് കുറഞ്ഞ നിരക്കില് നല്കാം. ഓണ് ലൈന് ന്യൂസ് പോര്ട്ടല് ആയതിനാല് നിങ്ങളുടെ പരസ്യം ക്ഷണനേരംകൊണ്ട് ലോകമെങ്ങും കാണും. വസ്തു, വീട്, വാഹനങ്ങള് എന്നിവ വാങ്ങാനും വില്ക്കാനും വീട് /ഓഫീസ് എന്നിവ വാടകയ്ക്ക് നല്കുവാനും, വാടകയ്ക്ക് എടുക്കുവാനും ഇടനിലക്കാരില്ലാതെ സാധിക്കും. കളര് ഫോട്ടോസ് ഉള്പ്പെടെയുള്ള പരസ്യത്തിന് 2000 രൂപ മാത്രം. ഒരുമാസം ഈ പരസ്യം പോര്ട്ടലില് ഉണ്ടാകും. ആവശ്യമെങ്കില് ഈ പരസ്യം വീണ്ടും പുതുക്കാം. ഇതിന് ഒരു മാസത്തേക്ക് 1000/ രൂപ മാത്രം. കൂടുതല് വിവരങ്ങള്ക്ക് 94473 66263, 85471 98263 വിളിക്കുക.
