തിരുവനന്തപുരം : സീറോ മലബാര് സഭാ ഭൂമിയിടപാട് കേസില് കര്ദിനാള് മാര് ജോര്ജ് ആലഞ്ചേരി ഇന്ന് വിചാരണ കോടതിയില് ഹാജരാകില്ല. കൂടുതല് സമയം ആവശ്യപ്പെട്ട് കോടതിയില് അപേക്ഷ നല്കും. സുപ്രീംകോടതിയില് അപ്പീല് നല്കാന് സാവകാശം വേണമെന്നും അറിയിക്കും. കാക്കനാട് മജിസ്ട്രേറ്റ് കോടതിയില് നേരിട്ട് ഹാജരാകുന്നതില് നിന്ന് ഒഴിവാക്കണമെന്ന കര്ദിനാളിന്റെ ആവശ്യത്തില് ഇടപെടാന് സുപ്രീംകോടതി വിസമ്മതിച്ചിരുന്നു. ആവശ്യത്തില് ഉത്തരവിറക്കാനില്ലെന്ന് ജസ്റ്റിസ് റിഷികേശ് റോയി അധ്യക്ഷനായ ബെഞ്ചാണ് നിലപാടെടുത്തത്.
നേരത്തെ കേസില് നേരിട്ട് ഹാജരാകണമെന്ന മജിസ്ട്രേറ്റ് കോടതി ഉത്തരവിനെ ചോദ്യം ചെയ്ത് കര്ദിനാള് സമര്പ്പിച്ച ഹര്ജി ഹൈക്കോടതി തള്ളിയിരുന്നു. ഏഴ് കേസുകളില് വിചാരണ നേരിടാനാണ് കര്ദിനാളിനോട് കാക്കനാട് മജിസ്ട്രേറ്റ് കോടതി നിര്ദേശിച്ചത്. തനിക്ക് ആരോഗ്യപ്രശ്നങ്ങള് ഉണ്ടെന്നും സഭയുടെ സുപ്രധാന ചുമതലകള് വഹിക്കുന്നതിനാല് ഒഴിവാക്കണമെന്നതുമായിരുന്നു കര്ദിനാളിന്റെ ആവശ്യം. എന്നാല് ഇത് പരിഗണിക്കപ്പെട്ടില്ല. സഭയുടെ ഭൂമി ഇടപാടുകളിലെ ക്രമക്കേട് ചൂണ്ടിക്കാട്ടി ജോഷി വര്ഗീസാണ് ഹര്ജി നല്കിയത്. ആധാരം വിലകുറച്ച് കാണിച്ച് കോടികളുടെ ഇടപാട് നടത്തിയെന്നാണ് കേസ്. കര്ദിനാള് മാര് ജോര്ജ് ആലഞ്ചേരി അടക്കം 24 പേരാണ് കേസിലെ പ്രതികള്. നികുതി വെട്ടിപ്പിന് ആദായ നികുതി വകുപ്പ് സഭയ്ക്ക് 6.5 കോടി പിഴ ഇട്ടിരുന്നു.
അതേസമയം ഭൂമിയിടപാടില് നിയമ വിരുദ്ധമായി ഒന്നും നടന്നിട്ടില്ലെന്നാണ് സര്ക്കാര് സുപ്രീംകോടതിയില് അറിയിച്ചിരിക്കുന്നത്. ഇടപാടുകള് കാനോന് നിയമപ്രകാരമാണെന്നാണ് സര്ക്കാര് പറയുന്നത്. കേസില് നേരത്തെ പോലീസും ആലഞ്ചേരിക്ക് ക്ലീന് ചിറ്റ് നല്കിയിരുന്നു. ആ റിപ്പോര്ട്ടാണ് സര്ക്കാര് സുപ്രീംകോടതിയില് സമര്പ്പിച്ചിരിക്കുന്നത്. കേസുകള് റദ്ദാക്കണമെന്ന് ആവശ്യപ്പെട്ട് കര്ദ്ദിനാള് നല്കിയ ഹര്ജി ഉള്പ്പടെ ജനുവരി രണ്ടാംവാരം കേള്ക്കും.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
മലയാളത്തിലെ പ്രമുഖ ന്യൂസ് പോര്ട്ടലുകളില് ഒന്നായ പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. ഗൂഗിള് മലയാളത്തില് ടൈപ്പ് ചെയ്ത വാര്ത്തയോടൊപ്പം ഉചിതമായ ചിത്രവും നല്കേണ്ടതാണ്. വാര്ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്കണം. പത്രത്തില് പ്രസിദ്ധീകരിച്ചതും കാലഹരണപ്പെട്ടതുമായ വാര്ത്തകള് പ്രസിദ്ധീകരിക്കുന്നതല്ല. വാര്ത്തകള് പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല് ബോര്ഡില് നിക്ഷിപ്തമായിരിക്കും. രഹസ്യ സ്വഭാവമുള്ള വാര്ത്തകളും വിവരങ്ങളും ചീഫ് എഡിറ്റര്ക്ക് കൈമാറാം. ഇന്ഫോര്മറെക്കുറിച്ചുള്ള വിവരങ്ങള് അതീവ രഹസ്യമായി സൂക്ഷിക്കുന്നതാണ്.
———————–
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 702555 3033/ 94473 66263 /0468 295 3033 / mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033
