ന്യൂഡല്ഹി: ഡല്ഹിയില് ആശങ്ക പരത്തി കോവിഡ് വ്യാപനം. 24 മണിക്കൂറിനിടെ 63 പേര് കോവിഡ് ബാധിച്ചു മരിച്ചു. ഇതോടെ സംസ്ഥാനത്തെ ആകെ കോവിഡ് മരണസംഖ്യ 2,175 ആയി.
ഡല്ഹിയില് ഇന്നലെ മൂവായിരം പേര്ക്കുകൂടി കോവിഡ് സ്ഥിരീകരിച്ചു. ഇതോടെ ഡല്ഹിയിലെ കൊറോണ വൈറസ് ബാധിതരുടെ എണ്ണം 59,746 ആയി. 33,013 പേര്ക്ക് രോഗം ഭേദമായിയെന്നും ഡല്ഹി ആരോഗ്യ മന്ത്രാലയം അറിയിച്ചു. അതേസമയം ഡല്ഹിയിലെ രോഗസാഹചര്യം വിലയിരുത്താന് കേന്ദ്ര ആഭ്യന്തര മന്ത്രി അമിത് ഷാ യോഗം വിളിച്ചിരുന്നു. കേന്ദ്ര ആഭ്യന്തര മന്ത്രാലയത്തില് നടന്ന യോഗത്തില് കേന്ദ്ര ആരോഗ്യമന്ത്രി ഹര്ഷവര്ധന് ഉള്പ്പെടെയുള്ളവര് പങ്കെടുത്തു. വീഡിയോ കോണ്ഫറന്സ് മുഖാന്തരം നടന്ന യോഗത്തില് മുഖ്യമന്ത്രി അരവിന്ദ് കെജ്രിവാള്, ലെഫ്റ്റനന്റ് ഗവര്ണര് അനില് ബൈജാല്, ഡല്ഹി ഉപമുഖ്യമന്ത്രി മനീഷ് സിസോദിയ തുടങ്ങിയവരും പങ്കെടുത്തു.
