ന്യൂഡല്ഹി: ഡല്ഹിയില് തൊഴില് മന്ത്രാലയത്തിലെ 25 പേര്ക്ക് കൂടി കോവിഡ് വൈറസ് ബാധ സ്ഥിരീകരിച്ചു. ഇതോടെ തൊഴില് മന്ത്രാലയത്തില് രോഗബാധ സ്ഥിരീകരിച്ചവരുടെ ആകെ എണ്ണം 36 ആയി ഉയര്ന്നു.
രോഗബാധിതരെ ആശുപത്രിയില് പ്രവേശിപ്പിച്ചിട്ടുണ്ടെന്നും ഇവരുടെ ആരോഗ്യ നില തൃപ്തികരമാണെന്നും അധികൃതര് അറിയിച്ചു. ഇന്ന് രോഗം സ്ഥിരീകരിച്ചവരില് ചിലരുടെ കുടുംബാംഗങ്ങള്ക്കും രോഗബാധ ഉണ്ടായിട്ടുണ്ടെന്നും അധികൃതര് വ്യക്തമാക്കി. നേരത്തെ മന്ത്രാലയത്തിലെ 11 പേര്ക്ക് രോഗബാധ സ്ഥിരീകരിച്ചിരുന്നു. തുടര്ന്ന് ജീവനക്കാരില് നടത്തിയ സാമ്പിള് പരിശോധനയിലാണ് 25 പേര്ക്ക് കൂടി രോഗബാധ സ്ഥിരീകരിച്ചത്.
