ഡല്ഹി: വിവാദങ്ങള്ക്കൊടുവില് മേയര് തെരഞ്ഞെടുപ്പ് ഇന്ന് നടക്കും. തെരഞ്ഞെടുപ്പില് 138 എന്ന മാന്ത്രിക സംഖ്യയില് തൊടാന് കഴിയാതെ വന്നാലും തങ്ങളുടെ അംഗം സ്ഥിരം സമിതി അധ്യക്ഷനായി തെരഞ്ഞെടുക്കപ്പെടുമെന്ന വിശ്വാസത്തിലാണ് ബിജെപി. പാര്ട്ടി തോറ്റാലും മേയര് തെരഞ്ഞെടുപ്പ് ഫലം ഞെട്ടിക്കുന്നതായിരിക്കുമെന്ന് ബിജെപി വര്ക്കിംഗ് പ്രസിഡന്റ് വീരേന്ദ്ര സച്ച്ദേവ പറഞ്ഞു. എഎപിയില് നിന്നുള്ള ക്രോസ് വോട്ടുകളെ പരാമര്ശിച്ചാണോ അവകാശവാദമെന്ന് വ്യക്തമല്ല. 105 ബിജെപി കൗണ്സിലര്മാരെ പാര്ട്ടി ഓഫീസിലേക്ക് വിളിച്ച് വരുത്തി നടത്തിയ യോഗത്തിലാണ് വീരേന്ദ്രയുടെ പ്രസ്താവന.
സുപ്രീം കോടതി ഉത്തരവിനെ തുടര്ന്ന് ഡല്ഹി മുനിസിപ്പല് കോര്പ്പറേഷനിലെ (എംസിഡി) നോമിനേറ്റഡ് അംഗങ്ങള്ക്ക് സ്റ്റാന്ഡിംഗ് കമ്മിറ്റിയിലെ ആറ് അംഗങ്ങളുടെ തെരഞ്ഞെടുപ്പില് വോട്ട് ചെയ്യാന് കഴിയില്ല. ബി.ജെ.പി സ്ഥിരം സമിതിയിലേക്ക് മൂന്ന് സ്ഥാനാര്ത്ഥികളെ നിര്ത്തിയിട്ടുണ്ട്. എല്ലാ കൗണ്സിലര്മാരെയും വിജയിപ്പിക്കുന്നതിന് മൂന്ന് അധിക വോട്ടുകള് ആവശ്യമാണ്. ഒരു അംഗത്തിന് സ്റ്റാന്ഡിംഗ് കമ്മിറ്റിയില് സ്ഥാനം ലഭിക്കണമെങ്കില് 36 വോട്ടുകള് വേണം. 105 അംഗങ്ങളുള്ള ബിജെപിക്ക് അവരുടെ മൂന്ന് അംഗങ്ങളും കമ്മിറ്റിയിലേക്ക് തെരഞ്ഞെടുക്കപ്പെടാന് 108 കൗണ്സിലര്മാര് ആവശ്യമാണ്.
ആം ആദ്മി പാര്ട്ടിയുടെ നാല് അംഗങ്ങളേയും കമ്മിറ്റിയിലേക്ക് അയക്കാന് 10 അധിക കൗണ്സിലര്മാരുടെ വോട്ടുകള് ആവശ്യമാണ്. എന്നാല് സഭയില് ഭൂരിപക്ഷമുള്ള ആം ആദ്മിയിലെ മൂന്ന് അംഗങ്ങള് എളുപ്പത്തില് തെരഞ്ഞെടുക്കപ്പെടും. എന്നാല് നാലാമത്തെ സീറ്റില് എഎപിക്ക് അനുകൂലമായി വോട്ടുചെയ്യാന് 10 അധിക കൗണ്സിലര്മാരെ കണ്ടെത്തേണ്ടതുണ്ട്. കോണ്ഗ്രസ് തെരഞ്ഞെടുപ്പ് ബഹിഷ്കരിച്ചതിനാല് പാര്ട്ടിക്ക് ഇത് പ്രയാസമാണ്. 18 കൗണ്സിലര്മാരില് നിന്ന് 6 പേരെയും 12 സോണുകളില് നിന്ന് 12 പേരെയും സ്റ്റാന്ഡിങ് കമ്മിറ്റി ചെയര്മാനായി തെരഞ്ഞെടുക്കുന്നു.
ഡിസംബര് 7 ന് പ്രഖ്യാപിച്ച എംസിഡി തെരഞ്ഞെടുപ്പ് ഫലത്തില് ബിജെപിക്ക് 104 സീറ്റുകളും എഎപിക്ക് 134 സീറ്റുകളും കോണ്ഗ്രസിന് ഒമ്പതും ലഭിച്ചിരുന്നു. മൂന്ന് സ്വതന്ത്രരും തെരഞ്ഞെടുക്കപ്പെട്ടു. പിന്നീട് ഒരു സ്വതന്ത്ര സ്ഥാനാര്ത്ഥി എഎപിയിലും മറ്റൊരാള് ബിജെപിയിലും ചേര്ന്നു. അതിനാല് ഇപ്പോള് സഭയില് ഒരു സ്വതന്ത്ര സ്ഥാനാര്ത്ഥി മാത്രമേയുള്ളൂ. നാമനിര്ദ്ദേശം ചെയ്യപ്പെട്ട 10 അംഗങ്ങളെ സെന്ട്രല് സിവില് ലൈനിലും നരേല സോണിലും നിയമിച്ചതുമുതല്, തെരഞ്ഞെടുപ്പില് ബിജെപിയുടെ ഭൂരിപക്ഷം നാലില് നിന്ന് ഏഴായി ഉയര്ന്നു. എട്ട് സോണുകളില് ആം ആദ്മി പാര്ട്ടിക്ക് ലഭിച്ച ഭൂരിപക്ഷം അള്ഡര്മാനെ വിന്യസിച്ചതിന് ശേഷം മൂന്നായി കുറഞ്ഞു.
