ഡല്ഹി : രോഹിണി കോടതിയില് വെച്ച് ജിതേന്ദര് ഗോഗിയുടെ കൊലപാതകം ആസൂത്രണം ചെയ്യുകയും നടപ്പാക്കുകയും ചെയ്ത നീരജ് ബവാന സംഘത്തിലെ ഒരാളെ ഡല്ഹി പോലീസിന്റെ പ്രത്യേക സെല് അറസ്റ്റ് ചെയ്തതായി ഉദ്യോഗസ്ഥര് അറിയിച്ചു. ഹരിയാനയിലെ റോഹ്തക് ജില്ലയില് താമസിക്കുന്ന നവീനെ (31) ആണ് അറസ്റ്റ് ചെയ്തത്. പ്രതിയില് നിന്ന് ഒരു പിസ്റ്റള്, അഞ്ച് ലൈവ് കാട്രിഡ്ജുകള്, ഒരു കാര് എന്നിവയും കണ്ടെടുത്തു. പ്രതി മുമ്ബ് ഡല്ഹിയിലെ വിവിധ പോലീസ് സ്റ്റേഷനുകളില് രജിസ്റ്റര് ചെയ്തിട്ടുള്ള കൊലപാതകശ്രമം, കൊള്ളയടിക്കല് തുടങ്ങിയ നിരവധി കേസുകളില് ഉള്പ്പെട്ടിട്ടുണ്ടെന്ന് പോലീസ് പറഞ്ഞു.
മുസാഫര്നഗര്-മീററ്റ് റോഡില് നവീന് ആരെയോ കാണാന് വരുമെന്ന് സൂചന ലഭിച്ചതിന്റെ അടിസ്ഥാനത്തിലാണ് ഇയാളെ പിടികൂടിയത്. 2011ല് നീരജ് ബവാനിയ സംഘത്തില് ചേര്ന്ന് ഷാര്പ്പ് ഷൂട്ടറായി മാറിയെന്ന് നവീന് വെളിപ്പെടുത്തി. സെപ്റ്റംബര് 24ന് രോഹിണി കോടതി സമുച്ചയത്തില് ഹാജരാക്കാന് എത്തിയ ഗോഗിയെ കൊലപ്പെടുത്തിയ കേസിലെ മുഖ്യപങ്കാളിയാണ് നവീനെന്ന് പോലീസ് പറഞ്ഞു. എന്നാല് രണ്ട് കുറ്റവാളികളെ സംഭവസ്ഥലത്ത് വെച്ച് പോലീസ് വെടിവെച്ചുകൊന്നു.
