പത്തനംതിട്ട : വർഷങ്ങളായി തകർന്ന് കിടക്കുന്ന ജില്ലാ പഞ്ചായത്തിന്റെ അധീനതയിലുള്ള റാന്നി, കോന്നി നിയോജക മണ്ഡലങ്ങളിൽ ഉൾപ്പെടുന്ന പുതുക്കട-ചിറ്റാർ റോഡിന്റെ ശോചനീയാവസ്ഥ പരിഹരിക്കാത്ത സർക്കാർ നിലപാടിൽ പ്രതിഷേധിച്ച് പെരുനാട് മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ സായാഹ്ന ധർണ്ണയും പ്രതിഷേധ യോഗവും നടത്തി. പുതുക്കട ജംഗ്ഷനിൽ സംഘടിപ്പിച്ച ധർണ്ണയും യോഗവും ഡി.സി.സി സംഘടനാകാര്യ ജനറൽ സെക്രട്ടറി സാമുവൽ കിഴക്കുപുറം ഉദ്ഘാടനം ചെയ്തു. മണ്ഡലം പ്രസിഡന്റ് ബിനു വയറൻമരുതി അദ്ധ്യക്ഷത വഹിച്ചു.
ഡി.സി.സി ജനറൽ സെക്രട്ടറി വി.എ അഹമ്മദ്ഷാ, ബ്ലോക്ക് പ്രസിഡന്റ് അഡ്വ.സിബി താഴത്തില്ലത്ത്, ഡി.സി.സി നിർവാഹക സമിതി അംഗം കെ.കെ വാസുദേവൻ, രതീഷ് റ്റി.നായർ, സലീം പെരുനാട്, കെ.എ ഷാജഹാൻ, അനിൽ കൊച്ചുമൂഴിക്കൽ,തൃധീപ് പുതുച്ചിറ, പി.റ്റി രാജു, ഹബീബ് കോട്ടക്കുഴി, ഓമന സത്യൻ, അജി പുതുച്ചിറ,ഡേവിഡ് തോമസ്, വിത്സൺ കുപ്പക്കൽ, വി.ജി തോമസ്, വിജയൻ പുതുക്കട എന്നിവർ പ്രസംഗിച്ചു.
