റാന്നി : വെൺകുറിഞ്ഞി സർവീസ് സഹകരണ ബാങ്ക് വെച്ചൂച്ചിറ ശാഖയിലെ നിക്ഷേപകര് ബാങ്ക് ഉപരോധിച്ചു. സഹകാരികള് നിക്ഷേപിച്ച പണം തിരികെ ആവശ്യപ്പെടുമ്പോൾ ധിക്കാരപരമായ സമീപനമാണ് ബാങ്കിന്റെ ഭാഗത്തുനിന്നും ഉണ്ടാകുന്നത്. തങ്ങള് നിക്ഷേപിച്ച പണം തിരികെ നൽകിയില്ലെങ്കിൽ ബാങ്ക് അടയ്ക്കുവാന് സമ്മതിക്കില്ലെന്നും പ്രതിഷേധവുമായി എത്തിയവര് പറഞ്ഞു. കഴിഞ്ഞ വര്ഷം ബാങ്ക് പ്രസിഡന്റിനും സെക്രട്ടറിക്കും എതിരെ പത്തനംതിട്ട ഉപഭോക്തൃ തര്ക്കപരിഹാര കമ്മീഷന് അറസ്റ്റ് വാറണ്ട് പുറപ്പെടുവിച്ചിരുന്നു. വെച്ചൂച്ചിറ പഞ്ചായത്തിലെ മണ്ണടിശാല നിര്മ്മല ഭവനില് മുരളീധരന് നായര് കമ്മീഷനില് നല്കിയ കേസിന്റെ വിധി നടത്തിപ്പ് ഹര്ജ്ജിയിലാണ് പ്രതികളെ അറസ്റ്റ് ചെയ്ത് കമ്മീഷന് മുമ്പാകെ ഹാജരാക്കാന് വെച്ചൂച്ചിറ പോലീസിന് നിര്ദ്ദേശം നല്കിയിരുന്നത്.
