പത്തനംതിട്ട : സംസ്ഥാന സര്ക്കാരും തദ്ദേശ സ്ഥാപനങ്ങളും നടത്തിയ വികസന പ്രവര്ത്തനം ജനങ്ങളിലെത്തിക്കാനും ഭാവി വികസനത്തിന്റെ ആശയം പങ്കുവെയ്ക്കാനും പന്തളം നഗരസഭയില് വികസന സദസ് സംഘടിപ്പിച്ചു. മുട്ടാര് സെന്റ് ജോര്ജ് ഓഡിറ്റോറിയത്തില് നഗരസഭാ ചെയര്പേഴ്സണ് അച്ചന്കുഞ്ഞ് ജോണ് ഉദ്ഘാടനം ചെയ്തു. പഞ്ചായത്തിന്റെ വികസന നേട്ടങ്ങളുടെ പുസ്തക പ്രകാശനം ചെയര്പേഴ്സണ് നിര്വഹിച്ചു. വൈസ് ചെയര്പേഴ്സണ് യു രമ്യ അധ്യക്ഷത വഹിച്ചു. റിസോഴ്സ് പേഴ്സണ് എസ് കെ സുനില്കുമാര് വികസന സദസിന്റെ ലക്ഷ്യം വിശദീകരിച്ചു.
സംസ്ഥാന സര്ക്കാരിന്റെ വികസന നേട്ടം സംബന്ധിച്ച വീഡിയോയും പന്തളം നഗരസഭയുടെ വികസന ഡോക്യുമെന്ററിയും പ്രദര്ശിപ്പിച്ചു. കഴിഞ്ഞ അഞ്ചു വര്ഷം നടത്തിയ വികസന പ്രവര്ത്തന റിപ്പോര്ട്ട് സെക്രട്ടറി ഇ ബി അനിത അവതരിപ്പിച്ചു. നഗരസഭാ കൗണ്സിലര്മാര്, ഉദ്യോഗസ്ഥര്, കുടുംബശ്രീ, ഹരിതകര്മ സേനാംഗങ്ങള്, സര്ക്കാര് സേവനങ്ങളുടെ ഗുണഭോക്താക്കള് തുടങ്ങിയവര് പങ്കെടുത്തു.
