ശബരിമല : ശബരിമലയില് മണ്ഡല മകരവിളക്ക് ഉത്സവത്തോട് അനുബന്ധിച്ച് ധനലക്ഷ്മി ബാങ്കിന്റെ സന്നിധാനം ശാഖ പ്രവര്ത്തനം ആരംഭിച്ചു. ദേവസ്വം മന്ത്രി കെ. രാധാകൃഷ്ണന് ഉദ്ഘാടനം നിര്വഹിച്ചു. മണ്ഡല – മകരവിളക്ക് കാലത്ത് എല്ലാ ബാങ്കിംഗ് സേവനങ്ങളും ഇവിടെ ലഭിക്കും. അപ്പം, അരവണ, നെയ്യഭിഷേകം എന്നിവയ്ക്കുള്ള കൂപ്പണുകള് രാജ്യമൊട്ടാകെയുള്ള ബാങ്ക് ശാഖകള് വഴി തീര്ഥാടകര്ക്ക് ലഭിക്കും. എംഎല്എമാരായ അഡ്വ. പ്രമോദ് നാരായണ്, കെ.യു. ജനീഷ് കുമാര്, തിരുവിതാംകൂര് ദേവസ്വം ബോര്ഡ് പ്രസിഡന്റ് അഡ്വ. കെ. അനന്തഗോപന്, ധനലക്ഷ്മി ബാങ്ക് ചീഫ് ജനറല് മാനേജര് എല്. ചന്ദ്രന്, റീജിയണല് മാനേജര് രാജന് സ്ലീബ, ശാഖാ മാനേജര് ഹരി എന്നിവര് പങ്കെടുത്തു.
