കോന്നി : ജനവാസ മേഖലയിലെ ബഫർസോൺ നിയന്ത്രണങ്ങൾ പൂർണ്ണമായി ഒഴിവാക്കണം എന്ന് ആവശ്യപ്പെട്ട് സി പി ഐ കോന്നി മണ്ഡലം കമ്മിറ്റിയുടെ നേതൃത്വത്തിൽ ജൂൺ 25 നൂ നടക്കുന്ന ബി എസ്സ് എൻ എൽ ഓഫീസ് മാർച്ചിനും ധർണ്ണയ്ക്കും മുന്നോടിയായി സി പി ഐ തണ്ണിത്തോട് ലോക്കൽ കമ്മിറ്റിയുടെ നേതൃത്വത്തിൽ സായാഹ്ന ധർണ്ണ നടത്തി. സി പി ഐ സംസ്ഥാന കൗൺസിൽ അംഗം പി ആർ ഗോപിനാഥൻ ഉദഘാടനം ചെയ്തു.
സി പി ഐ തണ്ണിത്തോട് ലോക്കൽ സെക്രട്ടറി പി സി ശ്രീകുമാർ അധ്യക്ഷത വഹിച്ചു. സി പി ഐ കോന്നി മണ്ഡലം സെക്രട്ടറി കെ രാജേഷ്, ജില്ലാ കൗൺസിൽ അംഗം സുമതി നരേന്ദ്രൻ, മണ്ഡലം കമ്മിറ്റി അംഗം കെ സന്തോഷ്, പി ആർ രാമചന്ദ്രൻ പിള്ള, സി വി രാജൻ, ഗ്രാമ പഞ്ചായത്ത് അംഗം എ ആർ സ്വഭു, കിസാൻ സഭ പഞ്ചായത്ത് സെക്രട്ടറി ജോണിക്കുട്ടി തുടങ്ങിയവർ സംസാരിച്ചു.
