ഇടുക്കി : ധീരജിന്റെ കൊലപാതകം ആസൂത്രിമാണെന്ന് റിമാഡ് റിപ്പോര്ട്ട്. പ്രതികള് കൊലപ്പെടുത്തണമെന്ന ഉദ്ദേശത്തോടെ സംഘമായി എത്തിയെന്ന് റിമാന്റ് റിപ്പോര്ട്ടില് പറയുന്നു. പ്രതികളെ ഈ മാസം 25 വരെ റിമാന്ഡ് ചെയ്തു. യൂത്ത് കോണ്ഗ്രസ് വാഴത്തോപ്പ് മണ്ഡലം പ്രസിഡന്റ് നിഖില് പൈലി, ഇടുക്കി മണ്ഡലം വൈസ് പ്രസിഡന്റ് ജെറിന് ജോജോ എന്നിവരെ മുട്ടം ജയിലിലേക്കു മാറ്റി.
പോലീസ് വ്യാഴാഴ്ച കസ്റ്റഡി അപേക്ഷ നല്കും. പ്രതികളെ കൊണ്ടുവന്ന കോടതി പരിസരത്ത് സിപിഎം പ്രവര്ത്തകര് പ്രതിഷേധവുമായി എത്തി. പ്രതികളുമായെത്തിയ ജീപ്പ് തടയാനും ശ്രമമുണ്ടായി. രാഷ്ട്രീയ വിരോധമാണു കൊലയ്ക്കു കാരണമെന്നു പോലീസ് എഫ്ഐആറില് വ്യക്തമാക്കിയിരുന്നു. ഇടുക്കി ഗവ. എന്ജിനീയറിങ് കോളേജിലെ വിദ്യാര്ഥിയും എസ്എഫ്ഐ നേതാവുമായ ധീരജ് രാജേന്ദ്രന് തിങ്കളാഴ്ച ഉച്ചയ്ക്കാണ് കുത്തേറ്റു മരിച്ചത്. കോളേജ് യൂണിയന് തിരഞ്ഞെടുപ്പുമായി ബന്ധപ്പെട്ടുണ്ടായ സംഘര്ഷമാണ് കൊലപാതകത്തിലേക്കു നയിച്ചത്.
