ചണ്ഡിഗഢ്: ഹരിയാന ഉപമുഖ്യമന്ത്രി ദുഷ്യന്ത് ചൗത്താലക്ക് കോവിഡ്. ട്വിറ്ററില് പോസ്റ്റ് ചെയ്തത വീഡിയോയിലാണ് ചൗത്താല കോവിഡ് സ്ഥിരീകരിച്ച വിവരം അറിയിച്ചത്. സ്വയം നിരീക്ഷണത്തില് പോവുകയാണെന്നും രോഗലക്ഷണങ്ങളില്ലെന്നും ചൗത്താല പറഞ്ഞു.
എന്റെ കോവിഡ് പരിശോധന ഫലം പോസിറ്റീവാണ്. കോവിഡുമായി ബന്ധപ്പെട്ട ലക്ഷണങ്ങളൊന്നും എനിക്കില്ല. പക്ഷേ എന്റെ റിപ്പോര്ട്ട് പോസിറ്റീവാണ്. ഞാന് സ്വയം നിരീക്ഷണത്തില് പോവുകയാണ്. കഴിഞ്ഞയാഴ്ച താനുമായി ബന്ധപ്പെട്ടവരെല്ലാം ടെസ്റ്റ് നടത്തണമെന്നും ചൗത്താല ആവശ്യപ്പെട്ടു.
നേരത്തെ ആഗസ്റ്റില് ഹരിയാന മുഖ്യമന്ത്രി മനോഹര് ലാല് ഘട്ടാറിനും കോവിഡ് സ്ഥിരീകരിച്ചിരുന്നു. ഗുഡ്ഗാവിലെ മേദാന്ത ആശുപത്രിയിലെ ചികില്സക്ക് ശേഷമാണ് അദ്ദേഹം രോഗമുക്തി നേടിയത്. ഹരിയാനയില് ബി.ജെ.പിയും ചൗത്താലയുടെ ജെ.ജെ.പിയും ചേര്ന്നാണ് ഭരണം നടത്തുന്നത്.
