പത്തനംതിട്ട: ശബരിമല തീര്ത്ഥാടനത്തില് മാസ്ക് ധരിച്ചുള്ള മല കയറ്റം ആരോഗ്യ പ്രതിസന്ധിയുണ്ടാക്കാന് സാധ്യതയുണ്ടെന്ന് ആരോഗ്യ വിദഗ്ധര്. ശ്വാസംമുട്ടലുള്ളവര്ക്ക് ഹൃദയാഘാതം വരെയുണ്ടായേക്കാമെന്നും വിദഗ്ദര് മുന്നറിയിപ്പ് നല്കുന്നു. തുലാമാസ പൂജകള്ക്ക് തീര്ഥാടകരെ പരീക്ഷാണാടിസ്ഥാനത്തില് സന്നിധാനത്തേക്ക് പ്രവേശിപ്പിക്കാന് തീരുമാനിച്ചിരുന്നു. ഭക്തര്ക്ക് സാധാരണ നീലിമല കയറുമ്ബോള് പോലും ശ്വാസം എടുക്കുന്നതില് പലപ്പോഴും ബുദ്ധിമുട്ട് ഉണ്ടാകാറുണ്ട്. മാസ്ക് ധരിച്ച് മല കേറുമ്പോള് ബുദ്ധിമുട്ട് ഇരട്ടിയാകാമെന്നാണ് മുന്നറിയിപ്പ്.
പൂര്ണ ആരോഗ്യവാനായ ഒരാള്ക്ക് പോലും മാസ്ക് ധരിച്ച് 25 മീറ്റര് മാത്രമെ മലകയറാനാകു. ഏതെങ്കിലും ഭക്തര്ക്ക് ഹൃദയാഘാതമുണ്ടായാലും പുതിയ സാഹചര്യത്തില് ആശുപത്രികളിലെത്തിക്കുന്നതും വെല്ലുവിളിയാണ്. വേഗത്തില് നടക്കുമ്പോഴും വ്യായാമം ചെയ്യുമ്പോഴും മാസ്ക് ഒഴിവാക്കണമെന്നാണ് ആരോഗ്യവിദഗ്ദര് നല്കുന്ന നിര്ദേശം. ഈ പ്രതിസന്ധികള് ഭക്തര് എങ്ങനെ മറികടക്കുമെന്നതിന് ഇപ്പോഴും വ്യക്തമായ ഉത്തരമില്ല.
