കൊച്ചി : നടിയെ ആക്രമിച്ച കേസില് തുടരന്വേഷണത്തിന്റെ ഭാഗമായി നടന് ദിലീപിനെ രണ്ടാമത്തെ ദിവസവും ചോദ്യം ചെയ്യുന്നു. ആലുവ പോലീസ് ക്ലബിലാണ് നടന് ഹാജരായത്. എഡിജിപി എസ്.ശ്രീജിത്തിന്റെ നേതൃത്വത്തിലാണ് ചോദ്യം ചെയ്യല്. ചോദ്യങ്ങളെ സമര്ത്ഥമായി നേരിടുകയാകും ദിലീപിന് മുന്നിലെ പ്രധാന വെല്ലുവിളി. തയ്യാറെടുപ്പുകളോടെ എത്തുന്ന ദിലീപിനെ സമ്മര്ദ്ദത്തിലാക്കിയുള്ള വിവരശേഖരണമാകും പ്രത്യേക അന്വേഷണസംഘം നടത്തുക. ഇന്ന് ഇരുകൂട്ടര്ക്കും നിര്ണായകമാണ്. ദിലീപിനെ ഇന്നലെ അന്വേഷണ ഉദ്യോഗസ്ഥര് ഏഴു മണിക്കൂര് ചോദ്യം ചെയ്തിരുന്നു.
പല ചോദ്യങ്ങളോടും നടന് നിഷേധാത്മക നിലപാട് സ്വീകരിച്ചെങ്കിലും ചില നിര്ണായക വിവരങ്ങള് ലഭിച്ചിട്ടുണ്ടെന്നാണ് സൂചന. ഇതുവരെ ശേഖരിച്ച മൊഴികളും ഫോറന്സിക് വിവരങ്ങളും കോര്ത്തിണക്കിയായിരുന്നു ചോദ്യങ്ങള്. ചില ചോദ്യങ്ങളോട് ദിലീപ് മൗനം പാലിച്ചു. ഏപ്രില് 15ന് മുന്പ് തുടരന്വേഷണം പൂര്ത്തിയാക്കണമെന്നാണ് ഹൈക്കോടതിയുടെ നിര്ദേശം.