കൊച്ചി : വധഗൂഢാലോചന കേസില് ദിലീപിന്റെ ഫോണിലെ 12 നമ്പറുകളിലേക്കുള്ള ചാറ്റുകള് നശിപ്പിച്ചെന്ന് റിപ്പോര്ട്ട്. നീക്കം ചെയ്തവയില് ഷാര്ജ ക്രിക്കറ്റ് അസോസിയേഷന് സി ഇ ഒ ഗാലിഫുമായുമായുള്ള ചാറ്റുകളും ഉള്പ്പെടുന്നു. ദുബായില് ബിസിനസ് നടത്തുകയാണ് ഗാലിഫ്. ‘ദേ പുട്ട്’ റസ്റ്റോറന്റിന്റെ ദുബായ് പാര്ട്നറുമായുള്ള ചാറ്റുകളും നശിപ്പിച്ചു. ദുബായിലെ സാമൂഹിക പ്രവര്ത്തകനായ തൃശൂര് സ്വദേശി നസീര്, ദുബായില് സൂപ്പര് മാര്ക്കറ്റ് നടത്തുന്ന മലപ്പുറം സ്വദേശി ജാഫര്, സഹോദരീ ഭര്ത്താവ് സൂരജ് എന്നിവരുമായുള്ള സംഭാഷണങ്ങളും ദിലീപ് നീക്കി.
ചാറ്റുകള് വീണ്ടെടുക്കാനാകാത്ത വിധം നീക്കിയെന്നാണ് അന്വേഷണ ഉദ്യോഗസ്ഥര് പറയുന്നത്. സൈബര് വിദഗ്ദ്ധന് സായി ശങ്കറിനെതിരെ ക്രൈംബ്രാഞ്ച് ഇന്നലെ കോടതിയില് സമര്പ്പിച്ച റിപ്പോര്ട്ടിലാണ് ഇക്കാര്യങ്ങള് പറയുന്നത്. സായി ശങ്കറാണ് ദിലീപിന്റെ ഫോണിലെ ചാറ്റുകള് നശിപ്പിച്ചതെന്നാണ് അന്വേഷണ ഉദ്യോഗസ്ഥരുടെ കണ്ടെത്തല്. കേസിലെ ആറാം പ്രതിയാണ് ഇയാള്.
