കൊച്ചി : നടിയെ തട്ടിക്കൊണ്ടുപോയി പീഡിപ്പിച്ചെന്ന കേസിലെ പ്രതിയായ നടന് ദിലീപിന്റെ സഹോദരന് പി.അനൂപ് ചോദ്യം ചെയ്യലിനു ഹാജരായി. ആലുവ പോലീസ് ക്ലബ്ബിലാണ് ചോദ്യം ചെയ്യല്. ദിലീപിന്റെ സഹോദരീ ഭര്ത്താവ് ടി.എന് സുരാജിന്റെ മൊഴിയും അന്വേഷണ സംഘം രേഖപ്പെടുത്തും. ഇവരുടെ ചോദ്യം ചെയ്യല് പൂര്ത്തിയാക്കിയ ശേഷം ദിലീപിന്റെ ഭാര്യ നടി കാവ്യാ മാധവന് ചോദ്യം ചെയ്യലിനു ഹാജരാകാന് വീണ്ടും നോട്ടിസ് നല്കും.
കേസില് തുടരന്വേഷണത്തിന് കൂടുതല് സമയം അനുവദിക്കരുതെന്ന് ആവശ്യപ്പെട്ട് ദിലീപ് കോടതിയില് സത്യവാങ്മൂലം സമര്പ്പിച്ചു. വ്യാജ തെളിവുണ്ടാക്കാനാണ് സമയം ചോദിക്കുന്നതെന്നും മറുപടി സത്യവാങ്മൂലത്തില് ദിലീപ് ബോധിപ്പിച്ചു. സംവിധായകന് ബാലചന്ദ്രകുമാറിന്റെ വെളിപ്പെടുത്തലുകളുടെ അടിസ്ഥാനത്തില്, നടിയെ ആക്രമിച്ച കേസിലെ തുടരന്വേഷണം റദ്ദാക്കണമെന്ന ദിലീപിന്റെ ഹര്ജി ഹൈക്കോടതി നേരത്തേ തള്ളിയിരുന്നു. ഈ മാസം 15നകം തുടരന്വേഷണം പൂര്ത്തിയാക്കാനും കോടതി നിര്ദശിച്ചു. വിശദമായ അന്വേഷണം ആവശ്യമാണെന്നും തുടരന്വേഷണത്തിന് മൂന്നുമാസം കൂടി അനുവദിക്കണമെന്നും ആവശ്യപ്പെട്ട് അന്വേഷണസംഘം ഹൈക്കോടതിയെ സമീപിക്കുകയായിരുന്നു. ഈ അപേക്ഷയില് ജസ്റ്റിസ് കൗസര് എടപ്പഗത്ത് തീരുമാനമെടുക്കും.
