കൊല്ലം: അരയ്ക്കുതാഴെ തളര്ന്ന കൊല്ലം സ്വദേശിയായ യുവതിയെ കടത്തിക്കൊണ്ടുപോയ കേസില് തൊടുപുഴ സ്വദേശി പിടിയിലായി. തൊടുപുഴ കുംഭക്കല്ല് ഇടവെട്ടി ആലുങ്കല് റഷീദി(42)നെയാണ് കൊട്ടിയം പോലീസ് അറസ്റ്റ് ചെയ്തത്.
മൂവാറ്റുപുഴ നിര്മ്മല കോളേജിനടുത്ത് ഇയാള് വാടകയ്ക്കെടുത്ത വീട്ടില് നിന്ന് കഴിഞ്ഞ ദിവസം യുവതിയെ പോലീസ് കണ്ടെത്തി. കൊല്ലത്ത് എത്തിച്ച് കോടതിയില് ഹാജരാക്കിയ യുവതിയെ ബന്ധുക്കള്ക്കൊപ്പം വിട്ടയച്ചു. യുവതിയുടെ മൊബൈല് ഫോണ് കേന്ദ്രീകരിച്ച് പോലീസ് നടത്തിയ അന്വേഷണത്തിലാണ് ഇരുവരും മൂവാറ്റുപുഴയിലുണ്ടെന്ന് മനസ്സിലാക്കിയത്.
