തിരുവനന്തപുരo: തെരഞ്ഞെടുപ്പ് മുന്നില് കണ്ടുള്ള കെപിസിസി രാഷ്ട്രീയകാര്യസമിതി യോഗം തിരുവനന്തപുരത്ത് പുരോഗമിക്കുന്നു. തദ്ദേശ തെരഞ്ഞെടുപ്പിലെ സഖ്യസാധ്യതകളും പിസി ജോര്ജ്, പിസി തോമസ് തുടങ്ങിയവരുടെ മുന്നണിപ്രവേശവും യോഗത്തില് ചര്ച്ചയാകും. സര്ക്കാരിനെതിരായ വിവാദങ്ങള് തെരെഞ്ഞെടുപ്പില് പ്രചാരണ ആയുധമാക്കുന്നതിനും യോഗം രൂപം നല്കും.
തദ്ദേശ തെരെഞ്ഞെടുപ്പാണ് യോഗത്തിന്റെ മുഖ്യ അജണ്ട. പ്രദേശികമായും അല്ലാതെയുമുള്ള സഖ്യസാധ്യത യോഗത്തില് ചര്ച്ച നടത്തും. വെല്ഫെയര് പാര്ട്ടിയടക്കമുള്ള രാഷ്ട്രീയ സംഘടനകളോടും യുഡിഎഫുമായി സഹകരിക്കാന് ഒരുക്കമുള്ള മത സംഘടനകളോടും സ്വീകരിക്കേണ്ട നിലപാട് തീരുമാനിക്കും.
