തിരുവനന്തപുരം : കേരളത്തില് 105 ദുരിതാശ്വാസ ക്യാമ്പുകള് തുറന്നുവെന്ന് മുഖ്യമന്ത്രി പിണറായി വിജയന് വ്യക്തമാക്കി. തിരുവനന്തപുരം മുതല് കോഴിക്കോട് വരെ 11 ജില്ലകളില് യെല്ലോ അലര്ട്ടാണ്. അതീവ ജാഗ്രത തുടരണമെന്ന് മുഖ്യമന്ത്രി നിര്ദ്ദേശിച്ചു.
മലപ്പള്ളിയില് കുടുങ്ങി കിടക്കുന്ന ആള്കാരെ എയര് ലിഫിറ്റിംഗ് വഴി രക്ഷപ്പെടുത്തുമെന്നും മുഖ്യമന്ത്രി വ്യക്തമാക്കി. എയര്ഫോഴ്സിന്റെ ഹെലികോപ്റ്റര് രക്ഷാപ്രവര്ത്തനത്തിന് ഉപയോഗിക്കും. കണ്ണമ്മൂല തോടില് ഇന്നലെ കാണാതായ അതിഥി തൊഴിലാളിക്കുവേണ്ടി തെരച്ചില് ഊര്ജിതമാക്കിയെന്നും മുഖ്യമന്ത്രി പ്രസ്താവനയിലൂടെ അറിയിച്ചിട്ടുണ്ട് .
കേരളത്തിലുടനീളം ഇന്ന് (ഒക്ടോബര് 17 )വരെ ഇടിമിന്നലിനും ശക്തമായ കാറ്റിനും സാധ്യതയുണ്ടെന്നാണ് കേന്ദ്ര കാലാവസ്ഥാ വകുപ്പ് മുന്നറിയിപ്പ് നല്കിയിരിക്കുന്നത്. അറബിക്കടലില് ലക്ഷദീപിന് സമീപം രൂപം കൊണ്ട ന്യൂനമര്ദ്ദം നിലവില് ശക്തി കുറഞ്ഞു. എങ്കിലും വൈകുന്നേരം വരെ മഴ തുടരാന് സാധ്യതയുള്ളതായാണ് കാലാവസ്ഥാ പ്രവചനം.