പത്തനംതിട്ട : നഗരസഭ ആരോഗ്യ കാര്യ സ്ഥിരം സമിതി അധ്യക്ഷൻ ജെറി അലക്സിന്റെ കൈത്താങ് എന്ന പദ്ധതിയിലൂടെ വിദ്യാർത്ഥികൾക്ക് പഠനോപകരണ വിതരണവും ബോധവൽക്കരണ ക്ലാസും നടത്തി. നഗരസഭാ ചെയർമാൻ അഡ്വക്കറ്റ്. സക്കീർ ഹുസൈൻ ഉദ്ഘാടനം ചെയ്തു. ജെറി അലക്സ് അധ്യക്ഷത വഹിച്ചു. പത്തനംതിട്ട ജോയിന്റ് ആർടിഒ ബി.അജികുമാർ ക്ലാസുകൾ നയിച്ചു.
പൊതുമരാമത്ത് സ്റ്റാൻഡിങ് കമ്മിറ്റി ചെയർപേഴ്സൺ ഇന്ദിരാ മണിയമ്മ, എം.എസ്. അലക്സ്, ബിജിമോൾ മാത്യു, സി.ഡി.എസ് മെമ്പർ സന്ധ്യാ പനക്കൽ, എഡിഎസ് പ്രസിഡന്റ് ഉഷ ചന്ദ്രൻ, സാന്ദ്ര സന്തോഷ് എന്നിവർ പ്രസംഗിച്ചു. ഒന്നാം ക്ലാസ് മുതൽ പത്താംക്ലാസ് വരെ ഉള്ള 200 കുട്ടികൾക്ക് പഠനോപകരണങ്ങൾ നല്കി. വർഷങ്ങളിലെപ്പോലെ കൗൺസിലർ എന്ന നിലയിൽ ലഭിക്കുന്ന ഓണറേറിയവും നല്ലവരായ സുഹൃത്തുക്കൾ നൽകുന്ന സഹായവും ഉപയോഗിച്ചാണ് ഈ ചടങ്ങ് സംഘടിപ്പിച്ചത്.
