പത്തനംതിട്ട : 600 ലധികം കായിക താരങ്ങൾ പങ്കെടുത്ത ജില്ലാ കരാട്ടെ ചാമ്പ്യൻഷിപ്പ് കളക്ടർ പ്രേം കൃഷ്ണൻ ഉദ്ഘാടനം ചെയ്തു. സ്വഭാവ രൂപീകരണത്തിനും ലഹരി മുക്തമായി പുതിയ തലമുറ രൂപാന്തരപ്പെടുന്നതിനും കരാട്ടെ വളരെ സഹായിക്കുമെന്ന് ജില്ലാ കളക്ടർ പറഞ്ഞു. പത്തനംതിട്ട സി.സി. വിനോദ് കുമാര് നഗറിൽ (Royal Auditorium) രാവിലെ 8 മണിക്ക് ചാമ്പ്യൻഷിപ്പ് ആരംഭിച്ചു. കരാട്ടെ അസോസിയേഷൻ ജില്ലാ പ്രസിഡന്റ് പ്രസാദ് ജോൺ മാമ്പ്ര അദ്ധ്യക്ഷത വഹിച്ചു. വേള്ഡ് കരാട്ടെ ഫെഡറേഷന് (WKF) ജഡ്ജിയും കരാട്ടെ കേരള അസോസിയേഷൻ സംസ്ഥാന പ്രസിഡന്റുമായ ഹാന്ഷി പി.രാംദയാൽ മുഖ്യ പ്രഭാഷണം നടത്തി.
വിജയികൾക്ക് ജില്ലാ സ്പോർട്ട്സ് കൗൺസിൽ പ്രസിഡന്റ് കെ. അനിൽ കുമാർ മെഡൽ വിതരണം ചെയ്തു. ഡോ.ജിനു കുര്യൻ, ഡോ. ജിബു ജോ, കരാട്ടെ അസോസിയേഷൻ ജില്ലാ ജനറൽ സെക്രട്ടറി സുനിൽ കുമാർ പികെ., ജോസ് ജോൺ എന്നിവർ പ്രസംഗിച്ചു. ഈ ചാമ്പ്യൻഷിപ്പിലെ വിജയികള്ക്ക് സംസ്ഥാന – ദേശീയ – അന്തർദേശീയ തലത്തിൽ മത്സരിക്കുവാൻ അവസരം ലഭിക്കുമെന്ന് ജില്ലാ പ്രസിഡന്റ് പ്രസാദ് ജോൺ മാമ്പ്ര പറഞ്ഞു.
